08 / 08 / 2009, 20 : 06 PM
|
#1
|
|
ღ ๓ś.Ġąlǎ U.ą.ē ღ
|
|
|
+
رقم العضوية »
41846
|
|
+
تاريخ التسجيل
»
17 / 02 / 2009
|
|
+
الجنسْ
»
|
|
+
الإقآمـہ
»
|
|
+
مَجموع المشَارگات »
4,015 |
|
+
معَدل التقييمْ »
780 |
شكراً: 0
تم شكره 0 مرة في 0 مشاركة
|
لا جـوـوـوع بعد اليووووم ^^ ..
السلام عليكم ورحمة الله وبركاته ..
أهلان بالحلوات و الحلوين ..
شخبآركم
وشخبآر الأكل مع العطله ..
بالعطله تكثرر سبحات النوم .. وتكثر العزائم والمفاطيح ..
يعني ممكن تقومين فجأه تلقين وجبة فايتتك
عادي جداً 
ويمكن تروحين لعزيمة وماتشتهين وترجعين يوعانه
عادي جداً
ويمكن ايي العشاء وأنتي قبل شوي ماكله آيس كريم أو سنكرس .. وماتتعشين
عادي جداً
بعد هذا كله ..
اييج الجوع .. يسيّر عليك >>>لازووم الصداقه
يا أخه قومي تصدقي ع بطنك بأكل تكفين
تروحين للمطبخ
تبغين شيء لذيذ الطعم سهل الصنع جميل الشكل ليس فيه بثور ولا قروح ولا يعض
ولا يسبب نزلة معويه  < اهم شي
طيب شو هالشيء ياترررررررررررى 
مع خيتكم حوور راح تودعين الجوع نهائياً ..
وتقولين ياحبيبي خلاص رآحت أيامك
< حسيتني بدعاية نصابه 
جايبه لكم وصفتي السحرريه
صارت غداي وعشاء وفطوري
أدمااان ههههههههههه
أبد لاتشيلين هم ان فاتتك وجبه .. عندك وجبه أحسن منها
المقادير :
خبز التورتيلآ + جبن سايل المراعي<تشجيع للمنتجات الغير دنمركيه 
اللي بتشتري بوك ترى مب ضابطة الوصفة معها .. 
زيتون مقشر أسود + جبن موزريلا + زعتر ورق – أوريغانو -
< نسيت أصور الخبز معليش ..
الطريقة :
تأخذين الخبزة وتدهنينها بالـ جبن السايل ..
ثم تحطين الموزريلا على نصف الخبزه < لو حطيتيه ع كلها تعدم لك النكهات
عاد كلن ورغبته
ثم حطي الزيتون حسب رغبتك ..
وبالنهاية رشي رشة من الأوريغانو بهذا الشكل
سكري الخبزه ..
نيي الحين لتحميرها ..
بلا شواية بلا هم .. فيه طريقة أحلى .. أنا عجبتني أكثر شششششششيء
جيبي مقلاة وحطي شوية زيت زيتون فيها < شوي ..
وحطي الخبزه فيها .. حاولي ان الزيتون يدهنها كلها أوكيك ..
وشغلي النار وقلبي الخبزه إلين ماتتحمر بالدرجة اللي تبين ..
شوفوا الصوره
^ لحد يدقق بالمقلاة  .. مب فاضية أطلع للمطبخ الخارجي أجيب المقلاة الحلوه
وبالنهاية تطلع لك بهالشكل
قطعيها وسوي فيها اللي تبييين
ولاتفوتكم صراحة طعم ولا أروووووووووووووع وخ وخ وخ
هذا الموضوع برعاية شركة لا جوع بعد اليوم المحدوده 
|
|
|
"إهداء من أحبابي أعضاء الوئام""مبدعة الوئام"
|
|
|
|