.........
......................
ابو منذر
المعذرة على التأخير
وكان لانشغالي عن الجلوس أمام الجهاز من قبل أمس
ومثلك يعذر ...
قال الشاعر الملهم
أخوي ابو منذر ( السيف ]
[poet font="MS Sans Serif,4,indigo,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يالمنسدح بزهمك من عبر الابيـات = واشكي عليك الحال يومك اسنافـي
حيثك من اللي يفعلـون الشكـالات = لو امدحك فالشعر ماهـوب كافـي
حبيت اقدم لـك جديـد الحكايـات = والمشكله تاصلـك عبـر القوافـي
ابختصر رغـم العلـوم الكثيـرات = والله هو اللـي مطلـع بالخوافـي
حنا بوقت ٍ صار فيه اختـلا فـات = واللي عشقته صار قاطـع وجافـي
اخلصت له بالحب في كل الاوقـات = واخفيت حبه للعـرب مـا iiيشافـي
اخشى يعرفه من يحـب الدعايـات = اهل الحسد واهل العلوم السخافـي
ولولاك من ناس الوفا والجمـالات = و ايضا من اصحاب القلوب النظافي
ماكان لك بينت بعـض الحقيقـات = ولاسقت لك عبر البيوت اعترافـي
انا حبيبـي سيـد كـل الجميـلات = عليـه قلبـي كـل لحظـه يلافـي
والمشكله من بعد طيـب العلاقـات = طبعه تغيّـر رغـم مابـه خلافـي
وين المـودّه والعهـود القديمـات = با اسهل طريقه شف نهاية مطافـي
يالمنسـدح بالله شـوف النهايـات = عكر مزاجي بعد ماكـان صافـي
وجهت لك شكواي بالذات بالـذات = لنك علـى كـل المواجيـب تافـي
[/poet]
واقول صح لسااانك يا ابو منذر
ولاهنت
.......
والآن استلم يا قرم
أقووووووووول
[poet font="MS Sans Serif,4,indigo,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
القيض ركّب ما بقي وقت مكشات = والارض رمضا والقدم صار حافي
والوقت له رغم الحذر دوم صكّات = واطلب عسى الله من سعيره يعافي
والسيف يقدح من زناده شرارت = ويقول ضوّك عقب الاشعال طافي!
خاطبني المشرف على عشرة اصوات! = وجاني صدا ترديد هاك الهتافي
.....
يا ورع اغر هات القلم وابك اغر هات = هات القلم دام الظمير متعافي
وعطنا فناجيل(ن) وعطنا بيالات = ودله وبراد(ن) ومسحوق (كافي)
ابكسر الفنجال حتى الفرج يات = وياتِ الرخا عقب السنين العجافي
يا مرحبا عدة نجوم المجرات = بالصاحب اللي في الملمّات وافي
لك في علوم الطيب يا الذيب طولات = وتملك على نهر الكرامة ضفافي
ولك في أعال المجد يا القرم صولات = متعلّي(ن) عن ذاريات السوافي
ولك في سما المعروف يا طير حومات = تمضي ولك يم الجزيل انعطافي
,,,,
يا السيف وشبك ما تخلي الحيالات؟! = حيّال فالحيلة نشيت احترافي
تشكي عليّ ام العيون الكحيلات؟! = اللي هدبهن يسلب العقل . ظافي
تشكي على اللي يِتْبع ال( آآآه ) ونّات؟! = وشره عطيب وبين الاضلاع خافي
يا السيف لا تشكي عليّ الملمّات = تلاف جرحي . كان يجدي التلافي
حتيش لو زدنا وقلنا سلاماات = ما اشوف لك من نار خلك عوافي
الزين يلعب بك على الوصل مرات = ومرات يقطع فيك ويصير جافي
غيد الزمن هاذا غثيثات عسرات! = الواحده ما ترغب الا تعافي
ومنتب وحيد(ن) في طريق المعانات = أنا معك ذقت الشقا والكسافي
(( نورة)) يموت الرمس منها وما مات = طيف(ن) لها طاف بخيالي طوافي
خلتني افني العمر واطو المسافات = والخاتمه خسران عقب الكلافي
مسكانها بين الجعيمة وسيهات = غربيّ صفوى بين هاك الدفافي
أروح معها يا مخاااااليق ( كتكات)! = حيث انها رمز الحلا والعفافي
ما تنفع الاصوات فاتنّ الافوات = مالي ياكود الصبر وقت الجفافي
ياالله يبو منذر على الصبر نقتات = والصبر قوت أهل النفوس الصوافي
وختامها صلو عدد رمس الاموات = على محمد نسل عبد المنافي
[/poet]
وسلامتكم
أخوكم
المنسدح10