ذرفت الدمع من عيني ليالي = اثر دمع الحزن ماله نهايه
كتبت الشعر يوم انه صفالي = وحررت القصايد من عنايه
مع العالم وانا كني لحااالي = اسايرهم وغيم بي سمايه
الا ياليت من جاوب سؤالي = ويعطيني تفاصيل الحكايه
علام القلب جا فيه اختلالي = سمع قول العواذل والوشايه
علامه ليه ما يسمع مقالي = يشوف اشلون صدقي من خطايه
بنيت الحب برجٍ فالعلاالي = وسط قلبٍ على علم ودرايه
احب اللي حسينه بالدلالي = ربيع الوصف بالاوصاف غايه
جمال ومبسمٍ مثل الهلالي = وخدٍ لا لمعٍ مثل المرايه
حبيب القلب منهو له يحالي = اخذ كل الحسن بالحسن آيه
احبه لين ما يبقى مجالي = احبه رافعٍ بالحب رايه
احبه كل ما هب الشمالي = احبه فالصباح وفي مسايه
اسولف به واشوفه في خيالي = بنى في وسط قلبي له بنايه
تمر ايام عمري والليالي = وحبه ثابتٍ حتى النهايه