مع البرد والاجواء اللي بدت تتغير شبينا النار لكن !!
ماتدفي النار لو حنا شعمناها
..
قصيدة هبوب الشمال.. من أروع القصائد التي قيلت في الماضي ومازالت إلى الآن وهي يتغنى بها الناس.
..
غنتها المطربه السوريه سميره العسلي ونسبتها إلى شاعره أردنيه..
تخيلوا ياجماعة الخير فيه شاعره تقول:
مايدفي إلا حضن مريوشة العيني
............... وليا ظمينا شربنا من ثناياها؟!!
..
القصيده اختلف الرواة على شاعرها .. منهم من قال أنها للشاعر فهد العجمي.. ومنهم من قال أنها
للشاعر عبدالهادي الروقي
ووردت بأكثر من صيغة على ألسنة من نقلوها لنا
اترككم مع أحد الصيغ التي أعجبتني
عديت في مرقب ٍ و الليل ممسينـــــــي= بديار غرب ٍ لعل السيل ما جاها
اضحك مع اللي ضحك و الهم طاويني= طية شنون الطلب لا سربو ماها
و راك ما تزعجين الدمع ياعينـــــــــــي= على هنوف ٍ جديد اللبس يزهاها
هبت هبوب الشمال و بردها شيــــــــني= ما تدفي النار لو حنا شعلناهـــــــــا
ما يدفي الا حشا مريوشة العيــــــــــني= و ليا ظمينا شربنا من ثناياهـــــــا
ياشبه و ضحى فتاة ٍ دلها زيـــــــــــني= داجت على عقلة ٍ و الورد ما جاهـــــــا
ياعل من شار بالفرقى عمى العيـــــني= مخباط صمعا جليل الفخذ يشظاهــا
جعله حسير ٍ كسير و راكبه ديـــــــني= و اتلى حلاله ذلول ٍ راح يطلاهــــــــا