أنا توي دريت ان الهوى يبحث خفا الرجال= بعد صمت الشفايف لا سقا الله ساعة الفرقـا
بعد ما ثار بركان الوداع ولوحت بالشال = لمحت الكحل ودموع الـوداع بجفنهـا غرقـا
تحطم وردي احلام الغرام بضفه الترحال= وتبادلنـا البكـا ليـن انكسـر تمثالنـا طرقـا
ودقت ساعة الصفر وتمنينا نعود اطفال= نبني في الدجا جسـر الخيـال ولا احـد يرقـا
على كف القدر تمشي القلوب الساهية تختال= تذوب قلوبنا والوقت يسرق من تبي سرقـا
بقالي خصلتين وصورة البرواز راس المال = حصيلي من حكاية الف ليلـه دمعـة زرقـا
احسب ان المحبه تسليه والعشق لعب عيال = اثر من لاعته فرقا الولايف جـاوب الورقـا
عرفت ان الفتى لابد ما يبكي على الاطلال= إلى ذعذع هوى الغربي عصير ومهجته شرقا