فيها الجمال كله والا باقي القوم = حرمهم ربي الجمال وكمل سناها
لكن عيبها واحد موصوف ومختوم = تطرق ترى البيبان تدور غذاها
متسولة هذا يردها وهذا عنها يشوم = وهذا يصك الباب بوجهها ولادعاها
وهذا ترى يهامسها بخافي علوم = وهذا يحاول يخدش منها هو حياها
وهذا يعدها هي من ارذل القوم = وهذا يحاول يا خذ منها وماعطاها
وهذا يسبها بقول سفيه ومذموم = وهذا يناظر عينها مفتون بصباها
وهذا يحاول انه يلامس الجسد ومغروم = وهذا ما همه إلا راحة بالحرام جناها
وتحمل معاها طفل وهي ما تروم = وطفل تعلق بثوبها يمشي وراها
طرقت علي الباب وفزعتني من حلوم = وطلبت قليل الزاد وهي بمستحاها
وبكى طفل تحمله من الصحة معدوم = وبعده طفل هو تسلل حذاها
صدقوني بكتني وحبس الدمعة ماروم = وشفت أنا الدمعة تظهر من خفاها
قالت علام الدمع يذرف يا محشوم = والشمس بمغيبها ابد ما يحرق لظاها
ولا رياح سهيل تذري ولاسهوم = ولا رمل تطاير هو يجرح لك مداها
قلت لها اطلبي قالت قطرة للمحروم = للي نشف ريقه من قل ماها
ولو لقمة منك تقوي مننا عزوم = من هدهم السير في فلاها
قلت لها اصبري ولك كل المعلوم = بيني وبينك رب يشهد على عطاها
لو تعطي اليمنى اليسرى ما تروم = تدري ابد وش عطت سند معاها
وقبل ما تشرب سقت هي طفلها المهموم = ومن بعده سقت من تعلق وراها
ونفخت على لقمة صارت كما الحلقوم = لي من يذوقها طفل عايش بحماها
ومن بعدها اشكرت رب عطوف رحوم = ورفعت يديها شكر لمن هو سقاها
ومنها أطلقت دعوة هي دعوة المظلوم = تدعي عليهم وأنا لي دعوة معاها
ورديت أنا معاها آمين يا قيوم = تروف بحال اللي تهدد هو رجاها
وسألتها من وين قولي ترى محشوم = طرفك وعرضك معاك واللي خلق رباها
قالت أنا بنت اصل وأهلي ترى قروم = لكنه هذا الزمن طعني هو بخفاها
باعني الذي اشتريت برخيص واللوم = على اللي نسوا الحقوق وبنت وحياها
تغلقت الأبواب وغديت أنا بهوم = وطفل معاي احمله وطفل يحرقه لظاها
هذا أنا والزمن باكر يرد بعلوم = وباكر يرد الحق واعيش أنا بذراها
ومنها اذرفت دمعة يا دمعة المحروم = لي اذرفت صادقة عادها بنداها
وصدقتها وقلت عودي علينا بيوم = إن كانك عزمتي الرحيل بلحظة مساها
قالت قبل الرحيل ممكن طلب محشوم = ودي استر عورة لا تنهشها ذياب بعواها
واستر عورة أطفال من العتب واللوم = باكر يكون بعيونهم لوم يقطع حشاها
وودعتها والليل بدا يرسم رسوم = ودمعة منها تحدرت ودمعة زادت بكاها
وودعت بابتسامة وقبلها الأطفال يرسلـون = بكل نظرة منهم سلام حوى الكون ضياها
وامتزج دمع بابتسامة من هم يضحكون = أم وأطفال وأنا ودنيا برجاها
ما هو حلم ويشهد علي خالق الكون = هذي ترى قصتي ويا من الزمن ابتلاها