منتديات الوئام - عرض مشاركة واحدة - ياكليب شب النار ،،،،ممكن اللي يعرفها يكملها ،،،.،،

30 / 06 / 2010, 27 : 12 PM

السلام عليكم ورحمة الله وبركاته
يسعد ربي صباح/ مساء الجميع بكل خير ومسره
ياجماعه فيه بيت من قصيده نبطيه قديمه
مرت علي منذو مبطي وبحثت عنها حاليا ومالقيتها
ياليت اللي يعرفها يكملها لي ،،واكون شاكره له
البيت يقول
ياكليب شب النار جوك المسايير ،،،،،واللي حصل للربع ياكليب حطه

فياليت اللي مرت عليه يكملها لي
*******************
اورت القصيد ه الاخرى بس مو هي المطلوبه

فيه قصيده مطلعها قريب من هذا اللي هي للشاعر دغيم الظلماوي،،

ياكليب شب النار ياكليب شبه ...........عليك شبة والحطب لك يجابـي
وعلي أنا ياكليب هيله وحبه ............وعليك تقليـط الـدلال العذابـي
وادغث لها ياكليب من سمر جبه ........وشبة الي منه غفى كل هابـي
باغي ليا شبيتها ثـم قبـة .................تجلـب لنـا ربعـا سـراة غيابـي
بنسريةً ياكليب صلفا مهبه...............لاهـب نسناسـه تقـل سـم دابـي
سراة بليـل وناطحيـن مهبـه .............متكنفيـن وشوقهـم بالعذابـي
الوالمة ياكليب عجل بصبه ............ والرزق عند اللي ينشى السحابي
صبة لقرما صرفته ماحسبه ............يوم البخيل مكنهب الوجـة هابـي
وصبة لمنعورين ليا جاة نبة..........يرخص بعمره والدخل لها ضبابي
وعدة عن اللي مايداري المسبه .......اللي يدور بالقصيـر الغيابـي
عن الطيب عده نازلا له بغبه ...........يضرب علي درب الخطا مايهابي
لا باطن الهلباج خطوا الجلبة ........ يا حلو خبط عصيهم بالركابـي
أطمر لهم وأبدي سلام المحبه ........لا جو على هجناً يديهم خرابـي
سلام أخلى من شخاليل جبه........وأحلى من السمن الجديد العرابي
مع كبشً مصلاح راسه نجبه ........لا أدبـر الهيـن متيـن العلابـي
خطو الولد يوم الملاقي نكبه .......يأتي علينا من حسـاب الزهابـي
وحتى ايش لو يلبس وبينن وجبه............معيرة على غضير الشبابـي
أنا لقيت الصبر يازين غبه ...........يرقيك رؤوس مشمرخات الهضابي
من لاصبر ياكليب في حكم ربه ......هذاك يوم البعث مالـه ثوابـي
يقولها اللي ما حسب المسبه .........ولا عرقل الاجواد ببعض الهلابي
هذا هوى بالي وهذا مطبه..........من قبل مايسفـح علينـا الترابـي