فكروني .. شدت بها ام كلثوم من تأليف عبدالوهاب محمد .. والحان محمد عبدالوهاب [poet font="Simplified Arabic,14,deeppink,normal,normal" bkcolor="white" bkimage="" border="double,4,gray" type=0 line=200% align=center use=sp char="" num="0,black"]
فكروني


كلموني تاني عنك ... فكروني فكروني
صحوا نار الشوق في قلبي وف عيوني
رجعوا لي الماضي بنعيمه وهناوته وبحلاوته .. وبعذابه .. وبقساوته
وافتكرت فرحت قد إيه .. وافتكرت كمان ياروحي بعدنا ليه
بعد ما صدقت إني قدرت أنسى .. بعدما قلبي قدر يسلاك ويقسى
جم بهمسه .. وغيروني .. كانوا ليه بيفكروني

***

بعدما اتعودت بعدك غصب عني ... بعدما نسيت الأماني والتمني
كلمتين اتقالوا شالوا الصبر مني
صحوا في عينيه حنينهم لابتسامك ... صحوا سمعي يود كلمه من كلامك
صحوا حتى الغيره .. صحوا لي ظنوني
وابتدا قلبي يدوبني بآهاته .. وابتدا الليل يبقى أطول من ساعاته
واسهر اسمع نبض قلبي بيناديك .. روحي فيك مهما جرى أنا روحي فيك
تسوى ايه الدنيا وانت مش معايا .. هي تبقى الدنيا دنيا الا بيك
اللي فات وياك يا روحي باعود اليه .. واللي عشته معاك .. رجعت اعيش عليه
بعد ما صدقت إني قدرت أنسى .. بعدما قلبي قدر يسلاك ويقسى
جم بهمسه .. وغيروني .. كانوا ليه بيفكروني

***

كلموني تاني عنك بعد طول حرماني منك
جرحوا الجرح اللي قرب يبقى ذكرى .. سهروني أعيش في بكره وبعد بكره
يا حياتي أنا كلي حيره وغيره وشوق اليك
نفسي أهرب من عذابي .. نفسي أرتاح بين إيديك
والخصام .. والهجر .. وليالي الأسية .. كل دول ما يهونوش حبك عليه
واللي جوه القلب كان في القلب جوه ... رحنا .. واتغيرنا احنا .. إلا هو
هو نفس الحب واكتر .. هو نفس الشوق واكتر
اللي فات وياك يا روحي باعود إليه .. واللي عشته معاك رجعت أعيش عليه
بعدما صدقت اني قدرت انسى ... بعدما قلبي قدر يسلاك ويقسى
جم بهمسه .. وغيروني كانوا ليه بيفكروني
يا حبيبي .. حياتي بعدك مستحيله .. يا حبيبي .. والحياه أيام قليله
ليه نضيع عمرنا هجر وخصام ...واحنا نقدر نخلق الدنيا الجميله
بالوداد والقرب تتجدد حياتنا ... بالحنان والحب تتبدل آهاتنا
واللي جاي نعيشه أحلى من اللي فاتنا
والقمر من فرحناح ينور أكتر ... والنجوم ح تبان لنا أجمل واكبر
والشجر قبل الربيع ح نشوفه أخضر
واللي فات ننساه ننسى كل أساه
ياللا نلحق م الزمن أيام صفاه
دي الحياة من غير لقانا مش حياه
واحنا مش ح نعيش يا روحي مرتـين
فكروني ازاي انا امتى نسيتك
دانت أقرب مني ليه يا هنايا ... مهما كنت بعيد عليه أو معايا
تنتهي الأيام وتطوي العمر منا ... دانت حبك للأبد ما لوش نهايه

[/poet]

لكم تحياتي

شيـــك