منتديات الوئام - عرض مشاركة واحدة - قبل ماتحــط موضوع ترحيبيَ تعالـ\ ـي ابيك بشغلهَ ...

10 / 01 / 2010, 14 : 04 PM

السلام عليكم ورحمة الله وبركاته

اختي نعنااااعة مرررررة مشكورة على الموضوع الحلو

ومشكوووووووووورة اكتر ع الصراحة الاحلى

انا كمان زيك احب الوئام واعشق الوئام انا ابن الوئام . لا يهمني ان كان الوئام منتدى مشهور او كان الوئام ما يعرفه احد
لا يهمني ان يكون اعضاء الوئام مليون او يكون عشرة اعضاء

ومن اكتر ما احبه الصراحة ودي مو ميزة في بقد ما هي عيب اتمنى اتخلص منها لانو مو الكل تعجبه الصراحة

غاليتي العزيزة ان كنا بنتكلم بصراحة فواحة المنتديات بصفة عامة صعبة .. يرد ماءها الكثير ليرتوا ولكن ليس الكل قادر على تحمل الاهتمام بهذه الواحة

مش حاتكلم في ايجابيات المنتديات وتفاني اعضاءها ومشرفيها
لكن انتي تعرفي انو العضو الجديد يحب احد يشجع قلمه احد يمر بمواضيعه وكتاباته
كيف نطالب بعضو جديد الاستمرار بالعطاء وتقديم شي والاعضاء ما بيهتموا لفكرته والتجاوب مع موضوعه شحيح
مو لازم العضو الجديد يجي بكل ما عنده ويكتب احسن شي عشان نحتضنه
حتى لو كان الي جايبه مكرر او ركيك لازم لو نبغى نكسبه ع الاقل قارئ ومتابع ومشارك برأيه وردوده لازم نشاركه اكتر من مشاركتنا لغيره

العضو الجديد حساس اكتر من الاعضاء القدامى
يمكن في اشياء وجو معين في المنتدى الاعضاء تعودوا عليه خلاص ما يحسوا فيه وسار روتين عندهم
الاعضاء الجدد تلاقيهم يحسوا الشي دا يحسوا بالألفة الموجودة بين بعض الاعضاء وحاسس انو مو قادر يدخل بينهم او يكون واحد منهم
حاسس انو مو ملاقي مكان لاننا بكل بساطة رحبنا فيه بس لكن ما تعاملنا معاه كعضو جديد يحتاج نآلفه على جونا
كالغريب في ارض بعيدة يحتاج للوقت ليعرف البلد ونظامها وكيفية التعامل مع كل واحد والوقت لاظهار شخصيته الحقيقية التي يرتاح بها ليبقى مستمر في هذا المكان
يعرف النظام ويعرف قدر كل واحد في المكان

الاعضاء القدامى تعودوا الدخول للمنتدى ويعرفوا بعضهم خلاص يعرف العضو لما يخش ويشوف موضوع كتبه الحجاج انو موضوع تافه لو باخش اجامله وارد عشانه من الشلة حيكون رد سريع يمكن من غير ما اقرأ الموضوع
لكن لما يشوف موضوع كتبته نعناااعة حيقول ايوا انا داخل المنتدى عشان اشوف اش كاتبه شي جديد نعنااااعة لانها متميزة وكبيرة وعلاقتنا حلوة
ودا شي طبيعي ، الواحد ما بيقدر يرد على كل المواضيع ولا يقدر يشوف كل شي

لكن عشان نخلي العضو الجديد يشارك ويبقى يتواصل لازم نهتم في الردود على مواضيعه حتى لو ما كانت عاجبتنا وبمصداقية بدون مجاملة عشان يحس انو كمان مو بس جالسين نداديه ونجامله
في نظري العضو الجديد هو اهم عضو في المنتدى
الي سجل تسجيله اليوم هو اهم من الي سجل قبل عشرة سنين
لانو دا لسا عنده اشياء جديدة ما نعرفها، الغموض الي حوله يثير فضولنا في اكتشافه
الرحلة مع اكتشاف هذا العضو حتكون رحلة ممتعة
والاهم المشاركة في صناعة قلم رائع حتعطي احساس رائع
العضو القديم خبرته وشخصيته وعلاقاته في المنتدى مهمة ،وبقاء المنتدى بمدى الروح الي بداخله

لكن تجي ساعات القلم يجف ويحتاج لاعادة تعبئة المداد . المحتوى نفد والافكار تتكرر ويصبح قلمه للرد اكثر من التأليف
وهنا الفرصة من خلال العضو الجديد الذي يأتي بالجديد معه.. دائما معه شي يريد ان يقوله حتى لو كان تسجيله لنقل موضوع او كتابة فكرة واحدة
ستجدين فيه الفضول ليعود ليرى نتيجة ما فعله . ان وجد التفاعل الكبير سيعود مرة واتنين وتلاتة

انتم الاعضاء الكبار والمميزين والمشرفين والمدراء
انتم عليكم مهمة كبيرة في المحافظة على الاعضاء واقناعهم بالبقاء
انتم من سيتمسك العضو بسببكم في المنتدى . انتم من يريد العضو الجديد ان يتعرف عليكم ويكون صديقكم
العضو الجديد لما يسجل في المنتدى ما يبغى رد الحجاج والا صداقته بقد ما يتمنى نعناااعة والوافي وغيركم من يكون جنبه

هذا حال المنتدياااات كلها وجميع صفحات النت الاجتماعية والفكرية وكل المجالس والاجتماعات حتى في حياتنا العادية

سوري طولت عليكم مررررررررررررررررررررررررررررررررررة بس بالله سامحوني اليوم عندنا ويك اند عشان كدا صاحي من بدري وراجع من كارفور نشيط شويه

شكرا مررررة تانية نعناااعة او نعنوووعة وما نتحرم منك وان شاالله الادارة تثبت موضوعك وما يقصقصوا من ردي
هو طويييييييل بس حلاوته كدا
هههههههههههه

شكرا ليكم والله يجمعنا بيكم دايما ويالله يا اعضاء يا جدد وانا واحد منكم ترى نبقى على تواصل بالوئام وتواصل مع بعضنا البعض وما نحرم بعض من الفايدة

كل واحد محتاج للتاني

والسلام عليكم

الحجاج