منتديات الوئام - عرض مشاركة واحدة

15 / 07 / 2015, 13 : 11 AM

رحيــــل سعـــــــود

اِرْحــل عــداك الُّلــوم واشْــهر وغــــادرْ
مالــكْ مكـــان إلّا على عرش الاذكار
اِرْحــلْ رحيـــل أبــــوك للمجـــد ثايــــرْ
مكانـــــــك التّاريـــــــخ يا بَــــرّ الابْـــــرارْ
اِرْحـــــلْ على هامــــات الايـــام طــايـرْ
في موكــــب الأَفْــــلاك بالعـــز سيّـــــارْ
اِرْحــــــلْ وللعــــدوان كسْــــر الخواطِـرْ
شافوا الوطن سجّل لك المجْد تذْكارْ
وداع يا باقــــــي الرّجـــــــــالْ النّــــــوادرْ
الّلي لهـــــم بالنّايبـــــه موقـــــف وْكــارْ
وداع يا صـــــــــــوتٍ يهـــــــزّ المنـــــــابرْ
نجم السّيـــاسة والمحافـــــلْ والاخْبـارْ
وداع ياالّلــــي كــل ما حـــارْ حــــايِــــرْ
تلفّتـــــتْ يمّـــهْ مطـــاليــــب الاشْــــوارْ
وداع ياالّلــــــي عانقتْـــــه الضّمــــــــــايرْ
حبّـــــوه خلــــق الله كبيــــــرين وصْغارْ
خلّــــدْت اسمــكْ ما رضيـت الصّغايرْ
وتركـــت عابرهـــا لشـــهْوات الاصْفارْ
ثـــروة حياتــــكْ جمّعتــــها الحنـــــاجرْ
حـــــــبٍّ وتقْديــــرٍ وتعظيــــــم وكْبــــارْ
ناسٍ مظــاهِرْ شـــيّ ونــــاسٍ مخـــــــابرْ
والشّاهـــد الله انّك خْيـــار الاخْيـــــارْ
شمــسك غشـــاها اليــوم دونكْ غبــــايرْ
خلّيتنـــا يا سعــــــود والوقــــــت غبّــــارْ
يا عيـــن اخــــوك الّلي تــــــردّ العبــــــايرْ
حَبسْتــــها والدّمـــــــع للعيـــــن غــــدّارْ
يقولهـــــــا الّلـــي بالمواجـــــيع خــــــابرْ
رَجْــــلٍ على صكّــــات الايــــام صبّارْ
/
شعر الأمير : خالد الفيصل