الا يا عين ياللي ساهره عيت تذوق النوم
تتابع بالسهر ترجي تشوف الغايب الجافي
تعذبتي و عذبتي خفوق العاشق المحروم
و هلت دمعة الحسره تعذب خافق(ن) وافي
طويل الليل يا عيني طويل و ساعته كاليوم
بقيتي ساهره طوله و هو نايم و هو غافي
تعدين النجوم بغيبته و نجوم معها نجوم
معا نجوم النهار اللي بنور الشمس ماتشافي
تشوفين النجوم بليل لو تضفي عليها غيوم
مع الاهات ثوب الحزن عليكي بالالم ضافي
طلبتك يا عيوني يا عيون العاشق المهموم
طلبتك اغفلي لحظه احس اللي جرا كافي
ابرسل له رساله ظرفها بكل الغلا مختوم
لعله ينتبه لحظه ..........لعله للوفا يافي
حبيبي لا تعذبني احس ان النفس مكتوم
من العبره سبب هجرك فراشي هم و لحافي
متى قلبك على قلبي يلين ويلتفت لو يوم
اشوف الموت في هجرك اشوفه طل يا كافي
امل ان تنال استحسانكم
ابو سلطان