منتديات الوئام - عرض مشاركة واحدة

08 / 02 / 2019, 49 : 01 AM

المطوّع لو يشوف خديد ساره

القصيدة للشاعر محمد بن فهاد القحطاني ابن حصيص

ولد عام 1290 هـ في بلدة الوقف بالقرائن وتوفي في عنيزة عام 1354 هـ

توفي والده وهو صغير كان كفيف البصر حفظ القرآن

سارة كانت عانس ولم تكن تملك مقومات الجمال وفي إحدى الأيام

زار القحطاني والد سارة ، واشتكى أبو سارة من عنوسة ابنته فقال القحطاني

وش لي إذا زوجت بنتك قال أبوها لك هالنخلتين فقال هذه القصيدة في مجلس مكتظ بالشباب

هيّض ابن فهاد في تالي نهاره = ألف قافٍ من ضميره مدرجاتي

يا وجودي وجد مكسور الجباره = ساهر تسعين ليله ما يباتي

أو وجود اللي فضى الحاكم دياره = وخذ ماله والحريم مسلباتي

عقب ما هو تاجر راعي أماره = صار فلّاح أموره هيّناتي

كن في عينه من الفرقا شراره = أو مخاليب الوحوش الطايراتي

ارتحل يا حمود منبوز الفقاره = آركي وحبال كوره كالفاتي

ولعتني بالهوى والحب ساره = دلهتني عن غنادير البناتي

يا حسايف بنت ابن سلوم ساره = عند أبوها تدّرج مثل المهاتي

ريق ساره مثل سكر في غضاره = والجدايل بالرشوش مجدّلاتي

المطوع لو يشوف خديد ساره = طبّق المصحف وعجّل بالصلاتي

ماذكر جار ذبح بالحب جاره = بالمبيسم والثنايا المرهفاتي

حالفٍ ما أنسى ولا أسلى حب ساره = كود أهل شقراء يخلون الصلاتي

فتسابق الخطاب عليها وتزوجها أحد وجهاء البلد ولم يطلقها على الرغم من أنه

اكتشف المبالغة التي ذكرها ابن فهاد ابن حصيص في قصيدته ولكن قد يكون وجد

فيها ما يشفع لها من الصلاح والتقوى وحسن الدبرة والتربية الجيدة .