آخر قرار ..اعلنت حظر التجول = على السعادة والفرح داخل الروح
اكذب عليك ان قلت الاول تحول = لاوالله الا الحـزن شـيد له صروح
جيوش حزني من صدودك تمول = واصبر واصابر لاجل خاطرك مابوح
هزيمة الاحزان كانت بالاول = يــوم الامـــل بعــــيوننا كــنه يلوح
واليوم هجرك طال والصبر طول = واصبح قديم الجرح بضيافة جروح
جرحٍ على بابك ذليل يتسول = يطـلب دواه وعــود الجرح مكفوح
الفكر حاير بك وفيك يتخول = ان الــسـعــادة باب بــيـديـك مـفتوح
وحلم حلمته بك وفيكم تأول = واصبح رهين وصاحب الحلم مذبوح
صبرت يامشكاي والصبر طول = وصبرت لكــن آخر الصبر مفضوح

لا والله الا سافر الزين ياخال = واخذ جميع الروح مدري بعضـــها
جاني يودعني يقول الشقاء طال = ورجع شريط الذكريات وعرضـــها
يقول تذكر يوم عش الهواء شال = قلبين في جســـمٍ عليـــل ونفضـــها
وتعلقن في طرف غصناً ولامال = واصبح حلال الحب صافي غرضها
ويقول ثم يقول ويقول ياخال = واجروحي اللي خايطات نقضـــها
قلت المحبه كلهاهم واهوال = و نار الفراق بحكم ربـــك فرضـــها
وهلت دموعي مثل سيل ليا سال = عجزت عيون المستهام نحفظـــها
خلالي الخاتم وسبحه وسلسال = ولك الظروف القاسيات افترضـــها
ياشينها من بعد تقليب الاحوال = فكرت فيها والتـــوى بي مرضـــها
واشكي عليك الحال ياطيب الفال = ممن دمر روحٍ على الله عوضـــها
واحلف برب البيت علام الاحوال = اللي خلق صم الجبـــال ونهضـــها
ان الهوى في داخل القلب لازال = لو ان روحي ماترك لي بعضـــها