عرض مشاركة واحدة
قديم 31 / 01 / 2013, 21 : 12 AM   #1
وريثة العز 
وئامي جديد

 


+ رقم العضوية » 49426
+ تاريخ التسجيل » 21 / 05 / 2010

+ الجنسْ »

+ الإقآمـہ »

+ مَجموع المشَارگات » 10
+ معَدل التقييمْ » 10
شكراً: 0
تم شكره 0 مرة في 0 مشاركة

وريثة العز غير متواجد حالياً

افتراضي رثاء الشاعر سلطان الركيبي في والده جديد 2013

نقره لعرض الصورة في صفحة مستقلة
الشاعر سلطان الركيبي( صوره من الارشيف)


(جعل تمطر فوق قبره مراهيف المزون)


قصيد رثاء في الوالد الشيخ فيحان بن سلطان الركيبي رحمه الله


الذي انتقل إلى جوار ربه يوم الخميس ليلة الجمعة الموافق 5/3/1434هـ


كما نتقدم بالشكر الجزيل لكل من قام بمواستنا حضورياً أو هاتفياً من داخل المملكة أو خارجها


داعين الله أن لا يريهم مكروه في عزيز لديهم


يوم جات ام المصايب وحنا صابرون




نرتجي مرضات رب (ن) تعلا في سماه


راح شيخ (ن) من هل الجود مامثله يجون




وانطفى نجم (ن) يشعشع على البيدا سناه


بعد منحى كل شي (ن) عقب فقده يهون




ياعساه بجنة الخلد مبرور (ن) عساه


وجعل تمطر فوق قبره مراهيف المزون




وجعل يزهر بالنواوير صلبه مع ثراه


وجعل له من سندس الخلد ياربي ردون




وجعل في الفردوس الاعلى مقام (ن) في حماه


وجعل من كاس (ن) معين (ن) وصحبه يشربون




وسلسبيل (ن) من شربها قطع واهج ظماه


للكريم اللي يمد العطايا من ديون




الشجاع اللي وقف دون من صاح ونخاه


التقي الزاهد النايف الشهم الحنون




الجواد اللي به الطيب ياصل منتهاه


وسط ديوانه تبرك جمال (ن) بالصحون




مع هلا والعود الازرق لمن جاه ونصاه


يا كثر حزن (ن) لمحته تمادى في العيون




فالنحايا والقرايب وربعه وقصراه


وياكثر منهم يعزون فيه ويافدون




كل منحى جمع ناس (ن) يجي جمع (ن) وراه


ماتخلف غير حرمه ومنهم دون دون




حفنة (ن) مثل الرماده على قاع الصفاه


مثل ذولا مايسرون لو هم يحضرون




وان غدى منهم هلامه محد صاح ونعاه


والا ابو سلطان يبكي عليه الطيبون




الرجال اللي من البعد حاضرتن عزاه


هم عزانا بعد فقده وهم كحل الجفون




وهم سنام الطيب والعز والمجد ونباه




شعر / سلطان فيحان الركيبي


منقول من صحيفة الجزيرة للامانه

  رد مع اقتباس