....

الداهيـــه بندر بن سرور

.....

اشرب من ابو بس و أنسها نـس " " نس المهرب مع خطوط الجزيرة

ليا من عطى له ثالث قام يضرس " " خفر السواحل في طريقه خطيرة

شدة قصير ولا يمـر المهنـدس " " توّه جديـد و عالـمٍ بـه خبيـرة

يسري من الحدّين و يصابح الرس " " عليه بندر مـا يخونـه ضميـرة

جاب البضاعة من مغانيه بالـدس " " ماهوب شاةٍ ميتـة فـي حظيـرة

يالله يا منشي السحاب المطمّـس " " تفرج لمن مثلي عيونـه سهيـرة

لــــه ايضاا


....

ياهل الونيت اللي يبا مشتل البيب" "مادق صدره بالخطوط الغزيـره

يوم ايتخثع في محير الاداعيـب" "يشتي تخثع جادل فـي حريـره

لاتجربونه مايبا الفرت تجريـب" "قد جربه فالبيت الابيض خبيـره

عدَوه لابن حزام سيد اللواعيـب" "لعاب زينات البيـوت العسيـره

ثم قل قاعد مانبي منـه تدريـب" "الوقت درَبنا علـى كـل سيـره

لو كل من قاد السبب يعلم الغيب" "ياما كرهت النفس من باب خيره

ان قفت الايام ماهـا مغاريـب" "واليا اقبلت يازين صافي غديره

...

ولـــه ايضاااً
يا عبيد يوم إنك تبي الدرب عجـلان" "رد النقي يـا عبيـد حـالٍ وحيلـه

ما ينرمي قولٍ علـى غيـر نيشـان" "ومن لا يثبت حجته ويش هـي لـه

صوتي وأنا بنـدر طويـلٍ ليابـان " "وان ما خشيت الرب ويش اختشي له

وان عودت للنـاس قـومٍ وصدقـان" "ما احد بما نعنـي لأعـدي الطويلـه

وأن جيت أغني البيت وافي ومليـان" "ولولا معانـي بالغنـا مـا اشتقيلـه

ما أحب ترديـد الغناميـر مشحـان" "ما أدمح خطا اللي شاهده رأس ذيلـه

والا خطا الطيـب زبـادٍ وريحـان" "لـو يدعـي لـي بالفنـا وادعيـلـه

إن ضاق صدري شفي أمزح بالالحان" "والا عـن الـزلات رجلـي ثقيلـه

دنيا نبي تقزيرهـا ضحـك حجـان" "وألا تـرى صيـورهـا مستقيـلـه

والرجل غاية ملحتـه قلـب ولسـان" "وألا أن باقـي جثـتـه حنضليـلـه

يارب تجعل لي من الذنـب غفـران" "يافـارج لأيـوب عـقـب تهليـلـه


وفي الختام لكم هـــذي بخشيش

...

يا أهل الونيت اللي على دنقله ميم" "نقل الرياض الخط ما توصلونـه

ما رهمو له في الكراجات ترهيم" "ولا قـط فـك أديتـره ينفخونـه

والله لو أمسك طارتـه يالمغانيـم" "ما عـاد أقلـد دولـة يصنعونـه

صناعته مخطيـن ملـة أبراهيـم" "حمران روم لونهـم مثـل لونـه
raud: