ايه بعترف خلاص ما عاد اطيق السكوت
احس ها الكذبه كاتمتن على صدري .......بقول لكم اللي في قلبي بس تكفون لا احد يزعل مني ولا يكرهني
تعبت وانا اداري همي واقول بكره تتعدل بكره احسن ......بكره تمطر علي دنياي وتهل السحايب برزق وخيرن جديد
اسمي حصه لي اختين هند وسارا متزوجات من قبلي وكل واحده فيهن زوجها موريها نجوم الليل لا معزه ولا حشمه وقلة احترام وفوق ذا كلله خواتي صابرات , بالعات الهم وراضيات بقسمة الله
..................
لا اطول عليكم بدخل في الموضوع على طول ادري فيني قاعده اتهرب من قول الحقيقه تدرون ليش؟
لان الحقيقه با النسبه لي مرره وعلقم وسم قاتل
امنتكم لا تروحون اصبروا بس لين تعرفون وش السالفه
اهلي يسكنون في حاره شعبيه كل اللي فيها على قد حالهم عوايل ميسوره
الا جارنا ابو حمد ماشالله عليه ربي معطيه خير واجد
جارنا ابو حمد عنده سبع بنيات ربي ما قسم له يجيب عيال لكنه ما يحب احد يناديه باسم بنته نوره خويتي
وسمى نفسه ابو حمد لعل وعسى يجيه الولد
نوره ذي خويتي وحبيبتي ما يفهمني غيرها تغليني واغليها
كل يوم يا تجيني والا اجيها كل وقت وكل ساعه
ما احس بيومي وطعمه من غيرها اشوفها اخت لي وتشوفني اختها
...........
تعودنا حنا الجيران ناخذ من بعض يعني كل بيت يكمل غرضه من جاره مثل ملح طماط بهارات شوية زيت الخ الخ
ذاك اليوم اميمتي نقص عليها شوي زيت وكان غدانا سمك تعرفون السمك يبيله زيت ووووااااااااجد
ايه لحظه نسيت اقول لكم ان عمري انا ونوره مثل مثل تونا مخلصين ال 22 سنه يعني تونا صغار
خلوني اكمل حكايتي ......وين وصلت؟
ايه تذكرت ....اميمتي ارسلتني يم جارتنا ام حمد اجيب لها شوية زيت
بصراحه ما صدقت انها ارسلتني لان امي معاقبتني من امس ما اشوف نوره
قالت لي غسلي مواعين العشا ويوم عاندتها حلفت ما اروح لنوره واتهمتها انها هي اللي مخربتن اخلاقي تصوروا؟!!
هي قالت حصه روحي لم بيت جارتنا ام حمد وجيبيلنا زيت من هنا وما كملتها الا وانا عند بابهم اركض ركض
دقيت بابهم بقووه ما حسيت بنفسي من كثر لهفتي على شوفة خويتي
انفتح الباب ودخلت بسرعه ووو و......
يووه وشلون اقولها لكم؟
تدرون من فتح لي الباب ؟
مشكلتي اني من كثر ما فرحت بشوفة نوره ما لبست عباتي
رحت يم شرشف صلاتي حطيته على راسي وطلعت لان بيت اهل نوره مقابل بيت اهلي وحارتنا شعبيه مافيه مسافه طويله بيننا
ما قلتولي من تتوقعون فتح لي الباب؟
ايييييييه صح
ابو حمدفتح الباب وانا من دون ما اطالع فيه دخلت بسرعه وحسيت اني صدمت بحجر .......رفعت راسي الا وهو ابو نوره يوووووووه
رجعت بسرعه وما انتبهت للدرج ...طحت وطاح عن راسي الشرشف
طحت من الدرج وتالمت وصرخت غصبن علي
الدنيا من زود الخجل والااحراج صارت سودا , ظلمه قدامي
ما اشوف شي مديت يديني بعشوائيه ادور على الشرشف لاني ما صرت اشوف ...بس ما لقيته
سمعت ابو حمد يقول بسم الله عليك بسم الله عليك
وحسيت بيد انمدت علي وقومتني
وشوي الا وشرشفي فوق راسي
كل ذا وانا منعميه من زود الاحراج والخجل
رفعت عيني الا وابو نوره عطاني ظهره وقال لي ادخلي ام حمد با الدار
دخلت وطلع ابو حمد من البيت
ياربي والله لو تدري امي عني ان تذبحني وتحرمني نوره
بس وش يدريها من قال اصلا اني بعلمها
اخذت الزيت وعطيته امي
ودخلت حجرتي اتحمد الله اللي سلمني من امي ما سألتني وش اخرك والا ما انتبهت اني اعرج من الم الطيحه
ادري طولت بس اصبروا شوي ....بس شوي
وتعرفون السالفه
ثاني يوم زارتني نوره قالت لي حصه تدرين ابوي سألني عنك امس؟
في داخلي حسيت بسكته قلبي , وقف مكانه قلت ان ابوها علمها بطيحتي؟
__سالني من ها اللي جت اليوم؟
_ وش قلتيله؟
_ قلت له هذي اختي اللي ما جابتها امي يبه
ووش قال لك؟
سكتت نوره .........
قالت حصه____ نووووووووره ؟
................
تعبت وانقطع حبل افكاري
وش رايكم ؟
من يكمل ؟ويعلمنا وش صار مع حصه ونوره؟
............
تكفون لا احد يحقد علي بجد ما عندي قدره اعترف وودي احد غيري يخمن وش ممكن يكون صار؟

((كتابة اختي))
بس تكفون لاتضربونها
هويدا أخت سوزان
.................................................. .................................................. .................................................. .................................................. .................................................. ...........
اذا كان وجود الشوك في الورود يحزننا..
فان وجود الورد في الشوك يجب ان يفرحنا ويسرنا..
====================
ان لم تكن ورده فلا تكن شوكه
==============

إذا تلبدت سماؤك يوماً بالغيوم أغمِض جفونك فستبصر خلف الغيوم نجوم

=============
الحياة أمل بسمة حـب فأختر من الأمل أعظمه ومن البسمة أعذبها ومن الحب فضائله
=============