يابنت انا قلبي يحب وله على حبه شروط = اول شروطه من يحبه مايريده يجرحه
الجرح الى منه تكرر وصّل لحمر الخطوط = والخط الاحمر من وصلّه نزعله مانفرحه
انا الوفى طبعي وكل الحب بالقلب امخطوط= وليا وفيتي لي لعبتي به سوات المسبحه
يابنت وش لون الغلا يبنى على الساسٍ الشطوط = اللي يبا يضحك على الثاني ترى الله يفضحه
يابنت انا رجل ٍ غيور الى زعل قلبه يشوط =اغار والغيره على الرجال خطره تذبحه
حبيت ابين لك شعورالصدق من حبٍ فروط=هذا الصحيح المختصر واليا بغيتي نشرحه
اخذت شوط مع الفرح ومع الحزن عشرين شوط = والباب مغلق لو نحاول ماقدرنا نفتحه
اغلقتي ابواب الا مل تقطعت كل الخيوط = فوق الاسى وايضا السهر مافيه شي نربحه
بعد الامل والحلم صرت اليوم في حالة قنوط = والمصلحه بيني وبينك ماتوقع مصلحه
الله يعين اللي تعرض للمشاكل والضغوط = والوضع فوق انه يصلّح لو نحاول نصلحه