يا قلب طالت قسوتك وأنت ليّن=في قسوتك يا قلب ويش أنت لاقي؟!
اللي تعدّي عمر ماهوب هيّن=والعالم الله كم من العمر باقي؟!!
يمكن يطول ، ويمكن اليوم أعيّن..=موتي ، ويبكون الحبايب فراقي!!
وش عاد أسوي وسط قبري وأزيّن=لا جفت عروق وعيون وسواقي!
لا عاد به فرصه عشان آتحيّن=ولا عاد به زفره وأفك إختناقي!!
بكره وكل اللي عملته يبيّن=وأنا على هـ الحال ميّس وهاقي!!
مدري متى يهديني الله وأديّن=وأكفّ عن بعض المشاوير ساقي!!!