السلام عليكم ورحمة الله وبركاته
وصلاة وسلام على اشرف خلق الله
محمد بن عبد الله وعلى آله وصحبه وسلم ومن والآه
بسم الله الرحمن الرحيم

تسلم يا ابو منذر على هالطرح الجميل...

موضوع في غاية الحساسية...

فتلقى من يعارض وتلقى من يوافق..

انا لي وجهة نظر ..... يمكن توافق البعض ويمكن احد يشوفها غير...

يمكن على حسب التربية...

أولاً: هذه الزوجة اللي انت بتمسك يدها سواء في البيت امام اهلها او في السوق أو الاماكن العامة
في الاول والاخير زوجتك .. يعني حلالك....

لكن لاننا تربينا في مجتمع محافظ.... الواحد يشوفها قلة ادب لو مسك زوجته اما اهلها او بالسوق او مكان عام..

لكن لو رجعت للزوجة.... اشوف من وجهة نظري ان هالزوجة محتاجة تقدير الزوج....(حتى لو كان هالشي بينهم هي وزوجها) قدام اهلها على الاقل .... تحب المرة ان زوجها يظهر حبه لها قدام اهلها..... ومثل ما قلت ... هي زوجته....يعني حلاله..

حتى قدام عياله... لو مسكها ما فيها شي .... بالعكس يعلم عياله كيف يظهرون حبهم... لان في ناس صراحة عندهم مشكلة في كيفية اظهار الحب للاخرين....

بعدين العيال يتربى فيهم هالشي.. وياما كثير من الشباب... لانهم ما شافوا الحنية بين الام والاب ... تلقاهم قاسيين مع زوجاتهم واولادهم..

أعرف زوج لما يجي يحب يحط راسه على رجل زوجته .... حتى لو قدام امه وابوه..... عشان يظهر لهم حبه لها...

طبعا هالشي يعجب كثير من الزوجات... وتقدير الزوج للزوجة امام اهلها واهله ينمي الحب بينهم..


نأتي للمسألة الثانية: بالسوق والاماكن العامة..... اشوف في بعض المرات.. ما فيها شي لو مسك زوجته بيدها..
طبعا وهم يمشون...

لكن يزودها اكثر ويظل كل ما طلع معاها ماسك يدها.. كانها نونو بتضيع بالسوق ..

الشي المعتدل حلو ...

هذي وجهة نظر وتحتمل الصواب وتحتمل الخطأ.


زهرة بنفسج.