يومها بين يديني و الغلا عادي = ويوم قفت تفجر حبها فيني
كنها حطت التوقيت بفؤادي = لامشت حبها يفجر شرايني
قبل تقفي وانا متماسكٍ هادي = وعقبها ضاق كل الكون في عيني
غلطتي كنت متراهي و متمادي = كنت احسب الزمن و الوقت يمديني
و اثر من لاتغانم فرصته غادي = آه يافرصة ضاعت من سنيني
توني في غلاها قلت يا هادي = روحت ........ من لامها فيني
مانفعني طويل الوقت وعنادي = يومها مقبله ماكان يعنيني
بس راحت وكني فاقد بلادي = اثر ما ارخص من اللي تطوله يديني
ياوجودي عليها وجد بن هادي = وجد لا وجد فرقا لا ولا ديني
غلطت و ارتكبها بثورة زنادي = يوم جر العزاوي راحت يميني
والله اني عليها حدني حادي = من يرد المواصل بينها و بيني
علموها تجي و ترجع رقادي = كل ماجيت بنسى وش ينسيني
علموها الغلا ماعاد هو عادي = مشكله هالولع عقب الثلاثيني