كـــــــــــــــــــــــــــلا77777777777م بـــــــــــــــــــــنـات


وايد ناس يتساءلون عن سوالف البنات اللي من الممكن يتكلمون فيها بالتلفون .. وصراحة يمكن حنا البنات ما ننتبه شنو السالفة .. بس يوم قرأت هالموضوع بالجريدة حصلت اننا فعلا احيانا تحصل ان هذي هي سالفتنا .. وطبعا انا ما اعمم .. واكيد بعد اننا عندنا سوالف ثانية ..
بس احسن نخليها مخفية ولا نطلع الفضايح بمنتدى اكو فيه اولاد ..

وهذا حوار دار بين بنتين بالتلفون :...

- ها شيخوه شحالج شو يالسة تسوين ما اتصلتي اليوم ؟
- والله يالسة اسوي منوعات واسجل اغاني من الكمبيوتر واحطها على دسك .
- لا تقولين لي ما شفتي المقابلة امس ويا جواد العلي .
- شو ما شفتها يلست اطالعها الين نص الليل وسجلتها بالفيديو بعد .
- شفتي الفستان اللي لبسته أليسا في حفلة البارحة ؟
- ياي يهبل تصدقين أحين بتغني بالخليجي وبتنزل شريط يديد هاليومين .
- البارحة اشتريت مجلة فيها لقاء ويا خالد عبد الرحمن .
- أنا طرشت أخوي محل التسجيلات اييبلي شريط مال راغب علامة وما حصل .
- ما بتسيرين الحفلة مالت أحلام بعد كمن يوم ؟
- والله ما أدري عندي امتحانات في المدرسة ما أعرف شنو أقول حق أهلي .
- لاحقين على الامتحانات فكينا من الصدعة الله يخليك !!
- شيخوه .. شيخوه بسرعة حطي على قناة الأغاني حاطين فيديو كليب مشكلني مال راشد الماجد .
- لا والله .. يا ربي وين الريموت ؟
- ما شفتي موقع الإنترنت مال نوال الزغبي ؟
- شفته أمس بس أبوي دخل علي الحجرة فجأة وسكرتة قلت له كنت يالسة أكتب بحث .
- الله يغربلك .. صدق ما تنغلبين .
- المهم ياالله مع السلامة أخوي دخل الصالة وأنا قايلتلة إني أريد أسألج عن واجب المدرسة مال بكرا .


احم احم .. طبعا الحق يقال هالبنات متفيقات زود .. اظني فريدات من نوعهم , بس بعد بنص كلامهم اكو بعض الحقائق ..

والسموحة منكم بناااااااااااااااااات تراني منكم .. بس نبي الوناسة ...





وسواااااااااااااااااااااالم ....
حزوووووونة