.......
....
رساله اخيرة يابعد كل من بالكون
..................... قـــبل لاتجف زهورنا قبل نجـنيها
رسالة اخيرة تبكي حروفها المضمون
................. وشكاها البريد وقال وشلون اوديها !!
بنزف الجروح.. بحرقه الخافق المطعون
..................... بملح الدموع المحرقه خد راعيها
برعشة يدين.. بثورة العاشق المجنون
................... بصرخة عروق تبكي بشوق غاليها
بليلة قمرها منحني كنه العرجون
............. وحزن السماء والارض بالروح يغشيها
حياتي بدونك تفتقر للطعم واللون
................. وحياة بلا معنى وش اللي به ارجيها
تكسر خفوقي كيف كسره عليك يهون
.............. وانا اللي ابيع الروح وجروحك اشفيها
وصدك وهجرانك جرح خافق مفتون
.............. ومن غــير ذا الــفرقى تلـــوح بطاريها
طلبتك.. ترجيتك..نخيتك بلطف وهون
..................... وقصــة هوانا ودك اليوم ننهيها
ورفضت الفراق المر لو كان مهما يكون
................ واحس ان روحي منه تصعد لباريها
وياما على كلمة.وداع. انزفن عيون
............... ...مثل مادموعي في فراقك نزفـــتيها
وقدرت لك رغبتك مير الغلا المكنون
............... رفضها ويرفض قصة الامس نمحيها
وموتي دنا برضاك وانته علي تمون
.............. وداعــي حيــــاتي قـــام للـــقبر يدعيها
عسى اموت لك دائن ولااموت لك مديون
.............. وسامــحك قـــلبي في ديـــون نــكرتيها
وحبك بقلبي والغلا يالغلا مصيون
............. وباحفظ عهود الحـــب لو ماحفــــظتيها
وعطر الرساله نزف من قلبي المحزون
.................. ...بعد ماطــفى نوره بـمظـلم لياليها
وللحزن اعود وفي يدي غصن من زيتون
................... وبارحل مع الاحـزان والله يسويها
لك الله يادنيا بها كل شي ملعون
........... على لسان هـــاديها سوى بعض من فيها
دخلنا سباق اللي يبي يربح المليون
.......... ونســـــينا ســـباق لجـــنة الــخلد نــشريها
الا ياولي الامر وامرك بكاف ونون
.......... طلبــتك تـــرد ميـــاه تاهـــت مــــجــاريها