[
ملكه..يسعدها ربي..والله ياملكه اني خايفه الناس تكون ملت مني
ماشا الله في برنامج حور مابقى شي ما قلته
بس حكم القوي ..ما اقدر اقولك لااااا اخلف منك
اما انت يا اخي الحجاج مدري وش اقول بس اللي اقوله ذا من ذووقك 
عاد تحملو قرقرتي تراي ضد شي اسمه ايجاز وذا عيب فيني بس لو كتبت اكتب من غير ما احس
يعني امشييييييييييي ويمكن اطوووول تحملووووو
بسم الله
ذكر الصائمين والصائمات بآية قرانية ؟
قال تعالى ((فمن يرد الله أن يهديه يشرح صدره للإسلام ومن يرد أن يضله يجعل صدره ضيقا حرجا كأنما يصّعد في السّماء كذلك يجعل الله الرجس على الذين لا يؤمنون ))
سبحان الله هذه الايه حوت اعجاز الهي من عدة اوجه وأشارت الى حقيقة علميه وبأسلوب بلاغي ...سبحان الله عالقه بذهني من فتره طويييله وغيرها من الايات خصوصا اللي تتكلم عن الاعجاز العلمي والبلاغي
وبالمناسبه فيه دكتور كان يجي في برنامج عن الاعجاز العلمي في القرآن اسمه زغلول النجار اكثر من رائع وعلق فبالي كلامه عن
آية((الم تر كيف فعل ربك بأصحاب الفيل ))
معليه بتكلم عن هذه الايه باختصار ...الله سبحانه وتعالى كان يخاطب الرسول طيب الرسول ما عاصر عهد اصحاب الفيل ..ولم يرَ ما فعله الله بهم ومع ذلك
قال( تر) بصيغة الماضي ...لكن لأنه لما كان المخبر هو الله ولقوة صدق الإخبار كان الرسول وكأنه شاهد ذلك بأم عينه ...
>>>ماقلتلكم ارغي بدون ما احس برضوا ذي الآيات فيها تذكير باعجاز القرآن وبلاغته للصائمين وغيرهم
حديث شريف متعلق بالشهر الفضيل ؟
فيه حديث شريف مو متعلق بزمن معين بل في اي وقت وزمان
اللي هو قول الرسول عليه الصلاة والسلام
( تهادوا تحابوا ))
والله الهديه مهما كانت بسيطه الا اننا من خلالها نقدر نفتح قلوب كانت مغلقه ونتربع فيها ونمتلكها بعد
حكم فقهي متعلق بشهر رمضان ؟
حكم فقهي والله اليوم انا مريت بموقف كنت وقتها محتاره وجاهله بأمري
بما اني توني قبل السحور اخذت عمره فصار معي شي اللي هو وانا ماشيه في الحرم وطبعا متوضيه
علق بعباتي اكرمكم الله نجاسة طفل اكرمكم الله الله يهدي امه بس انا غسلت موضع النجاسه بس ماعدت وضوئي وفي اثناء ما انا بالطواف وسوسلي
الشيطان هل المفروض اني اعيد وضوئي او لا وجلست مشغوله ولا يمديني اخرج اتوضأ
ابد ولا جبت جوالي عشان اتصل بأحد يدلني لا انا ولا اللي معي بس وخلصت الطواف وسيييده على مكتب الافتاءهناك بالحرم واسأل اللي سويته صح او لا قالي لا ما عليك أعادة وضوءك ...،،تخيلو لو كان المفروض اعيده ..يعني معناته اعيد الطواف من جديد
بس هذي هي المساله اللي عرفت حكمها قريب وحيرتني وحبيت انقلها لكم
متى بدأت بكل صدق وأمانة صيام شهر رمضان المبارك
( العمر والمرحلة الدراسية) ومن الذي ساعدك او شجعك لهذا العمل?
والله بصراحه بديت بالصف السادس واللي ساعدني مو امي ابد امي حنوووووونه
كانت تخاف علي بس ابوي هو اللي قال لازم اتعود
ماذا يعني لك هذا الشهر عن جميع شهور السنة ؟
سبحان الله هذا الشهر له ميزةخاصه دوناً عن كل الشهور حتى عند المولى عزوجل..
شهر له مكانه في القلوب فهو شهر الرحمه والمغفره والعتق من النار والمنن من الحق سبحانه وتعالى
وشهر تسامح وتواصل وعطاااااء
ربي يجعلني واياكم من الفائزين فيه
أكلتك المفضلة على مائدة رمضان ؟ ومشروبك المفضل ؟
الأكله طبعا سمبوسه وشوربه ولو فيه ملفوف محشي حلو برضو
اما المشروب سووووووبيا أو توت لاااازم وقبلها كلها الزمزم لاااازم
هل تحب السحور ثقيل أم خفيف ؟ ماهو سحورك المفضل ؟
السحور لااا طبعا ثقييييل اما خفافي مستحييل وعادة انا اكلي مو كثير يعني الثقيل عندي كم ملعقه بس
اما ايش هوالمفضل ؟؟افضل السليق مع السلطه المحروقه
كيف تقضي يومك في رمضان وماهي عاداتك وتقاليدك في هذا الشهر ؟
بصراحه مالي روتين معين اتبعه يومي زيه زي اي يوم ثاني الا اني
اكثر من قراءة القرآن ولااااازم اقرأبختمة ابوي
هل تحافظ على صلاة التراويح والقيام كثيرا ؟
يعني مو دايم اصلي التراويح حسب انا وقتها اش عندي بس لاازم ليلة ختم
القرآن احضرها في الحرم
من هو العضو الذي تتمنى رؤيته ودعوته لديك للإفطار في رمضان ؟
البنات كللللللهم دون استثناء
اما غيرهم كافي عزمتيهم ملكه وفطرتيهم وغديتهم و عشيتيهم وسحرتيهم
اقصد تغديتي فيهم وتعشيتي فيهم ياملوكه
من أول شخص باركت له برمضان ولماذا ؟
ست الحبايب وهو فيه احد يستاهل يكون قبلها؟؟
ماذا تتمنى في هذا الشهر ؟ أمنية عامة وخاصة ؟
امنيه عامه اتمنى الجميع بخير وبصحة ويكونو من العتقاء من النار في هذا الشهر
اما خاصة ..والله ما اتمنى من امور الدنيا ..ولا شي غير ان الله يديم علي الصحة
واتمنى ان الله يجمعني بأهلي وأخواني وكل الي احبهم في جنان الخلد { اللهم امين }
وفيه شي اتمناه منكم بعد..أكيد بيجي اليوم اللي ما اكون فيه بينكم هنا ويمكن قريب ..الله العالم
عشان كذا اتمنى من كل واحد فيكم ممكن ضايقته او في نفسه شي مني انو يحللني
ويسامحني
نوادر رمضانية أو مقالب في رمضان حصلت لك ؟ اذكرها لنا ؟
امممم والله ما اذكر قد سار موقف معي
اضافة بسيطة من عندك تريد قولها ؟
أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتنا ويقوي إيماننا وصحتنا
ويرفع قدرني واخوتي المسلنين ويشرح صدرونا
ويسهل خطانا لدروب الجنة
وأن يجعلنا من عتقائه من النار
اللهم آميييييييين
بمن كنت تفكر عند سماعك لهذا الشهر ؟
والله على طووول جا في بالي ابوي ولا قدرت امسك نفسي والله اشتقتله كثيييير ودي اضمه وانام على حجره
رحمة الله عليه... والله والله وحششششني كثيييير...سار لي سنه ماشفته
مو قلتلكم اتكلم كثير بس ...!!