مرحوم يا شيخ الأدب والأديبين = مرحوم يا امير الشعر والثقافات
يا اللي بنيت العلم والحكم بسنين = يا زارعٍ ورود العطاء بالمسافات
أنت الكريم إبن الكرام الكريمين = ال السعود اللي رقوا بالطويلات
لو غبت عنا ما تغيب الدواوين = ولو غاب زولك باقي الذكر مامات
كم حكمتٍ ما قالها إلا الحكيمين = وكم حكمةٍ ذكرتها وسط الأبيات
يا شاعر العصرين كم سرت العين = أشعارك اللي جات مثل العطيات
اليوم يبكونك جموع المصلين = والأرض تبكي والبحر والمحيطات
كيف الخبر كدر شعوب وملايين = بقلوبهم يا مير في كل الأوقات
تركت من بعدك ورود وبساتين = في كل بستانٍ ورودٍ جميـــلات
يالفيصل الانسان يا ابو المساكين = يا ابو اليتامى يا رفيع المقامات
لك فالرياضه دور كم من محبين = وكم عاش جمهورك ليالِ طويلات
تطورت في عهدك اعظم ميادين = وحبك ملا كل القلوب الرحيمات
وايضا كسبت إعداك لوهم عنيدين = لك سيرة بالمجد والفكر بالذات
زرعت في قلب الصغار القوانين = حب وصفاء وأخلاق دايم رفيعات
مرحوم يا امير الوفاء والوفيين = مرحوم يا امير الشعر والمروات
كم كنت حي ويا حياة السعيدين = واليوم موتك يودع القلب ويلات
يا امير ما دمنا على الأرض حيين = تبقى لنا يا امير رمز الثقافات