قلبي اللي لواه من الصواديف لاوي = جرحته الليالي و الحظوظ الرديه
والله اني بوسط الناس كني خلاوي = من يلوم المفارق عقب فرقا خويه
اشهد ان المفارق من عظيم البلاوي = مير هذا نصيبك يا العيون الشقيه
اتجلد و اقول اني على البعد قاوي = و الله اعلم بقلبٍ فيه الاشواق حيه
كيف راحت يا ابو تركي حياتي شقاوي = وين درب السعاده و الحياة الهنيه
ليت لاهل الهوى و الحب قاضي دعاوي = كان اقاضي عيون اللي فراقه خطيه
كني المبلي اللي قطعته المكاوي = كل ماجظ بالونّات زادوه كيه