منتديات الوئام - عرض مشاركة واحدة

19 / 10 / 2010, 01 : 07 PM

بما انو في تفاعل وحمستوني بزيادة بنزل كمان كم صورة ^ ^

هذي صورة من جهة السقالة لشاطئ رابغ في الليل ... والله جمييلة

وهذي صورة أخرى للحي السكني وقت المغرب .. كانت اجواء رائعة ..

صورة أخرى للغروب عالبحر ..

طيب .. صور البحر مرة كتييير .. ممم .. في بعض الويك اند ما كنا نرجع مكة .. يعني كنا نتكي في رابغ ولهذا السبب كنا نألف طبخات وتطلع جيدة ..

أول ويك اند قضيناه هناك طبخنا وجبة غدا يوم الخميس أكلة اسمها سوتو .. يقولو انها اكلة جاوية ^ ^ .. وكانت خطييييرة واتمسح القدر تمسيييح ..

طبعا هيا عبارة عن دجاج وينحطلو بهارات بطريقة معينة ..

هذي وجبة الغدا للأكلة سوتو

شايفين أهم شي الكولا في الموضوع خخخ .. هذا كان صحني بعد الغرف

بالعافية علينا .. اللي يبغا الوصفة لا يسأل لأنو مارح نعرف نعيد نفس الأكلة ههههههههه

بعض المرات كنا نروح نتكي العصر عالبحر .. سواليف وضحك مع شوبة تسالي .. شوفو هذي الصورة كنا آخدين معانا بطاطس وكاتشب وصلصة سومطرة الحاارة والخطيرة وجالسين عالبحر

في ويك اندات تانية برضو طبخنا فيها خليني اوريكم بعض الطبخات

حاجة يقولوها بخاري بالتونة ... حرااااق وخطييير .. صحيح هوا معانا الرز استوى بزيادة .. لكن بصراحة كان ما يتفوت ..

وهذي الأكلة اسمها ميقوري على حسب ما افتكر .. عبارة عن مكرونة مع قطع الدجاج وبهارتها بطريقة معينة عمرنا مارح نعرف نعيدها ههههههه .. بس برضو كانت طيبة

كيف بس ما ينفع اكون شيف ههههههههه .. مع العلم انو مو انا اللي كنت اطبخ انا كنت اساعد دايما بس اصحابي هما اللي يقومو بالواجب

اكيد في بعض كثير من الاحيان كنا نشتري من السوق .. وبما انو رابغ مشهورة بسمكها فكنا دايما نترواد على محل سمك مشهور وندق في النعمة خخخ .. ومرة من المرات حصلنا في محل السمك حاجة وحنا عارفين اش هيا

وشكلها كان غريب وانا عن نفسي كنت اول مرة اشوفها .. في النهاية اكتشفنا انها استكاوزا نقره لعرض الصورة في صفحة مستقلة

.. شوفوها

كيف بس ^ ^ خخخ

شكلكم شبعتو من كتر ما تشوفو صور للأكل ..

طبعا في اوقات عند البحر زي وقت ما بعد الفجر يكثر فيها ابو مقص عالصخور اللي عند الشاطئ .. شوفو هذا ابو مقص صورناه وهوا عالصخرة وتحتو البحر .. كانت صورة جميلة

وهذي صورة تبين نقاوة ونظافة الموية .. شي يحمس

طيب .. حاختم بكم صورة ليا حاليا خخخ .. لأنو طبعا مليان صور لكن اللي حطيتو منها طيب برضو

هذي الصورة صورني هيا صاحبي وانا كنت اكلم بالجوال بعض الحبايب نقره لعرض الصورة في صفحة مستقلة

.. كان يآذي فيا ويزعجني خخخخ ,,

صورة لي في مكتب الشركة بزي الشركة .. طبعا التصوير كان ممنوع بس عاد لقينا فرصة وطلعت صورة اي كلام خخخ

وأخيرا مراسلكم من موقع الحدث

B

L

A

Z

E

أتمتنى اني ما كون دوشتكم وازعجتكم .. وان شاء الله انو التقرير كان طيب بعض الشي

محبكم للابد