سيوف وليل و شيوخ و خيول و عزوه و غزوه = تبي ذبحي و انا والله ما اصخى للعدى داري
هذولا الهم و الهوجاس و العذال و المنوه = و اخاف اني اموت ولا خذيت من الهوى ثاري
الا ياكبر هقوة راعي الهقوه على الهقوه = مادام انه على نطح المصايب و البلا ضاري
انا عايش سواة الذيب لامزهب ولا حسوه = نهاري الله اعلم به وليلي اسر يا ساري
حبيبي ماتركتك لو اشوف الموت له حروه = اموت من الغبينه عز ولا طفت ناري
حبيبي لو تفارقنا يروح العمر لك فدوه = و بروح مع السنين اللي عليها يذري الذاري
ليا زان الهوى صار للمعتري كسوه = و من شان الهوى غصب يرد المكتسي عاري
يطول الهرج في وصف المحبه و الشعر نقوه = و الذه من يعذب شاعره و يمتع القاري