السلام عليكم ورحمة الله وبركاته
ياطيري اللي ماكره بالطويـلة ــــــــ بالدوسري ما بين أبانات وسواج
شره على حدب الرقاب الجليلة ــــــــ واطيري اللي لأبرق الريش زعاج..
هذه القصيده قيلت في الطير
هل للقصيده المذكوره بقيه من يعرف ,,,
يقال ان قائل هذه القصيده الشيخ ابن هذال العنزي
من شيوخ قبيلة عنزه
حينما نزحت إلى الشمال وتركت منازلها في هذه المنطقة
وقال قوله المشهور والله لاانسى طول حياتي وقدة رمث بوادي الرمة وشيهانة الدوسري
يعني شبة النار وحطبها رمث وادي الرمه
وهذه معلومات عن جبال الدوسري
هي مجموعة من الجبال الجميلة الحمراء تقع في
منطقة فسيحة من الأرض في منطقة من أشهر مراعي نجد
وبالتحديد في منطقة القصيم بين أشهر جبالها وبين أبان الأسمر
من الشمال وأبان الأحمر من الغرب وسواج من الجنوب وأمرة
من الشرق وأقرب القرى العامرة إليها هجرة الداث من الشرق8كم.
وهجرة الهمجة من الجنوب 5كم . وقرية الصليبي من الشمال 9كم.
وقريتا خضراء وأم ارطا من الغرب 9كم.(وجميعها لقبيلة حرب)..
جبل الدوسري وهو اللي عناه الشاعر في القصيده ياطيري اللي ماكره بالطويلة..
وجبل الدوسري مشهور بوجود الصقور فيه حيث
تتربى فيه وتبيض فيه ويقال أن صقور الدوسري تصيد الثلاث
(الأرانب والكروان والحبارى) بعكس غيرها التي لاتصيد إلا الأرانب.
ومما قاله شاعر الرس ناصر المسيميري عن جبل الدوسري
قوله:
يالدوسري جيت لك زعلان= هَمٍ على الصدر ماطيقه
الصدر مما جرى مليان = ومن الزعل يابسٍ ريقه
لو أنت ضلع ٍ من الضلعان=لاجيت لك راحت الضيقه
ومن أجمل المناظر جريان الشعبان حول جبل الدوسري وهذه الشعبان تصب
بشعيب الداث الذي يدفع بوادي الرمة.
ويقول احدهم من أراد راحة النفس وهدوء البال والهواء النقي
ومن أراد رؤية العديد من الجبال أمام عينيه مثل جبال أبانات
وأمره وسواج وكير والنايع والنويع واللهيب وعمودان
مع شبة رمث تسمّر الراس فليخرج إلى جبال الدوسري ...