منتديات الوئام - عرض مشاركة واحدة

27 / 03 / 2010, 08 : 08 AM

السلام عليكم ورحمة الله وبركاته

صباح/ مساء الخيرات ياحلوااات وياحلوين
كيفكم عساكم بخير

:

طبعا بعد مانزلت الحلا حقي في موضوع اموره

وتهافتوا عليه البنات

وملوكه شوشتها طارت

واموره مدري مين مصعلها خصله من شعرها من ورا وصارت صلعه

وشموع يقولون انها كانت عامله احتياطها ومنعمة الصلعه هههههههه

وفلور مدري وش هولت بعمرها

قلت أنزل لهم الطريقة كود يخف الوطيس هع هع

ويارب كل وحده تسويه لنفسها ويبطلون يفشلونا قدام الناس

:

امسكوا

هذي صورته قبل

نقره لعرض الصورة في صفحة مستقلة

المقادير

نص اصبع زبده+ 5 حبات مارس الحجم الكبير مو الصغير
+ رز محمص ( مثل الكورن فلكس بس يختلف) واللي ماتلقى رز محمص تسوي بالكورن لكس يطلع بعد حلو لأني مجربته

الموووهم

في حما مائي :
(الحمام المائي عبار عن قدر فيه مويه وتحطين وسطه قدر اصغر منه وتولعين النار)
المهم القدر الصغير تحطين فيه الزبده وتحطينه داخل القدر اللي فيه مويه وتوليعن النار عليه لين تذوب الزبده

بعدها تحطين المارس عليها وياحبذا لو تحاولي تقطعيه اقل شي 5 اقسامعشان يذوب بسرعه وماتروح الليله كلها وانتي تعصدين فيه

المهم

بعد مايذوب المارس والزبده وينخلطون سوا بتلاقين الخليط صار شكله مغري وحلو << تعبت وهي تشرح

المهم يوم يصير بالشكل اللي قلته تحطين عليه رز محمص

انا ما احط بكمية معينة يعني احط واخلط لين اشوف اني اتفيت

لاتخلونه جاف ولا تخلونه لين مره

خير الامور الوسط ياحلوات

اهم شي يكون متماسك او تقدرين تشكلينه

وبس

ممكن تسوينه دوائر مثل اللي انا سويته

او ممكن تحطينه في صينية اذا كنتي عجااازه وتقطعينه بعدين

واسدحيه في الثلاجة برفق وهدوء

وأهم شي كل الخطوات سووها بهدوء مو تحترقون ولا تحوسون المطبخ بصجتكم وتقولون ماقلتيلنا ريلاكس

وبالعافيه ع ألووووبكم

وهذا نزلته بناء على طلب اللي خاضوا الحرب

ولا اسمع وحده تقو بعدي نزلي طريقة البيتزا حقتك ولا المكرونه

ممكن انزل طريقة البطاطس المقلي

غير كذا انا اتعب ترا وانا اكتب

خاصة لو كان الصبح تلاقوني متكيه واكتب بايد وحده وتحديدابإصبع وحده

فــ حرام ترهقوني عشان بطونكم

<<والله من المنـّه

:
تراه من صنعي وانا سويته موملطوش

اللي تدخل تقيمني ههههههههههههههههههههههه

وياويلكم ما اشوف تقييمات *_^

انطلقوا