منتديات الوئام - عرض مشاركة واحدة

17 / 04 / 2014, 27 : 02 AM

قصه وقصيده للشاعر نمر بن صنت الحافي العتيبي

هذه القصه والقصيده للشاعر نمر بن صنت العتيبي في معشوقته الجازي القحطانيه وقد أخذ قرابة تسع سنوات وهو يحاول مع أهل محبوبته الجازي

ويأمل منهم الموافقه على زواجه منها وقد تقدم بجاهية لإهل معشوقته ومن ضمنهم الأمير خالد السديري والذي طلب منه في قصيدته التوسط لـه

عند أهل الفتاة الجازي وقد بذل الأمير خالد السديري كل مافي جهده وبعـد ذلك وافـقـوا أهل الفتاة وتحقق المطلوب وتزوج نمر بن صنت بمحبوبته الجازي

بعد جهود شاقه وقد عاش معها حياةً حلوةً وسعيده وقيل أنه قصد في محبوبته الجازي أكثر من مئة قصيده

ومنها هذين القصيدتين قالها قبل أن يتزوجها الأولى في الأمير خالد السديري يستـفـزعه فيها

يالأمير إفزعـوا لـي جـاء بكبـدي فلـوج ........... أشهد إنـك تفـك المشكـلات المهمـه

يـا زبــون المـخـلا يــوم الأرقــاب عــوج ........... يــوم راع الـرديـه يلتـفـت لإبــن عـمّــه

أودعـنَـي بـنـات الـبـدو مـثـل الخـلـوج ........... كـاحـلات المـدامـع لابـســات الأزمّـــه

حـال مـن دون خلـي زاميـات الفجـوج .......... جعل عاقل على يعقوب شملي يلمّه

أذكر اللي مضى لي من دقاق الهروج .......... يوم تلعب بـي العبـره علـى غيـر يمّـه

والله إنـي كمـا الــورع الصغـيـر اللهوج .......... قايمً من حـلاوة مرقـده مـا لقـى أمّـه

ومن ضمن ما قـال فيها هـذه القصـيده قـبل أن يتزوجهـا

يانجمة الصبـح كبـدي منـك مرهوقـة . :: لاشــــع نــــورك عـلـيـنـا لا تغـيـبـيـنـي

ستـايـر القـلـب مــن فـرقــاك مفـتـوقـة . :: أصبر مـن العـام ليـن انـك ذبحتينـي

الــــود لــــو نـتـركــه عــنــا وطــاروقــة .:: أظـنــي ارتـــاح وانـتــي تستريـحـيـنـي

لبـيـك يالـلـي تـجـر الـقـلـب وعـروقــة .:: كـلـه عـلـى شــان يــوم انــك تلبـيـنـي

تلـحـنـي لـــح ركـــبً عـجـلــوا ســوقــة .:: أوجــــــل ذودً مـسـريــهــن شـيـابـيـنــي

عديت عن مبسم المجمول لا اذوقة .:: انــا بــلاي الحـيـا وادرى عـلـى ديـنـي

ياقلب ياللي مـن الجـازي دنـا عوقـة .:: يانـاس اشيـروا عليهـا لا تقاصيـنـي

وان كان قلبي تليـش عنـه صندوقـة .:: شـــدوه لـيــن اتــجــود فــيــه بـيـديـنـي

قـالـوا معالـيـق قلـبـك مـنـه مسـروقـة .:: قلنا خذتها الضحـى والنـاس واعينـي

ياليـت ربـي ومـر خالـد علـى شـوقـة .:: يـفــك حـبـلـه ولـــو يـعـطـى ملايـيـنـي

الأولـه ليـت أبــو خـلـي مــن الـروقـة ..:: والثانيـة ليـت ابـوي مـن القحاطينـي

يالله يــاخــالــق الــدنــيـــا لـمـخـلــوقــة .:: تقدر على الموت تذبحني وتحيينـي

تـلــم شـمـلـي لابـــد الــــروح مـرفـوقــة .:: باربـع هناديـس فـي قبـري تخاويـنـي

وقـد جارا قصيدة نمر بن صنت الحافي العتيبي

الشاعر نادر بن نايض بن جويبر الحربي بهذه القصيده

على هوى جادلٍ طرقا وعذلوقه

..... غنيت قافٍ ماغنوه المغنيني

جعل الذي باق عقلي حضه إيبوقه

..... اللي سقاني غلاه وغاب عن عيني

مدري وش اللي حداه وغير اطروقه

..... جمع عيوب العباد وحطها فيني

وأقفى كما نوٍٍ اقـفى وأقـفت بروقه

..... قريب نزله وكنه من ورى الصيني

قلبي ملاه الغلا والكبد مشلوقه

..... والعين تشكي من فراقه زمانيني

اطرد ورى حاجةٍ ماهي بملحوقه

..... بعيد ما هي مع الربع المواليني

بين السماء والجبال الشم مشنوقه

..... ياكيف اجيها وانا مالي جناحيني

ما هي ببيضه مع السلاق مسلوقه

..... تبغالها فزعةٍ مثل الدبايـيني

حالي قضى وانبرى ما عاد بي طوقه

..... ياناس ما تامرون الزين ويـجيني

لعل وصله يبل القلب وعذوقه

..... تثمر مثل ما أثمرة خضر البساتيني

اشتاق له يوم يبدى النور بشروقه

..... وأذكر غيابه لا شفت الناس ممسيني

أثر السعاده بتال الوقت ممحوقه

..... ما تنذكر غير من حينٍ اليا حيني

اللي دها الحافي بخله ومعشوقه

..... اليوم اشوفه بنفس الوضع داهيني

يالله عسى رحمتك ما هي بمفهوقه

..... يا مبدل الحال من عسرٍ اليا ليني

مما راّق لي وأرجو أن تروق لكم وتعجبكم