درب الهوى يامنية الروح خله = خله وانا مثلك طريقه باخليه
ولله انا ماعاد لي فيه لله = وابشرك عفته بعد شفت مافيه
قرار قررته وغصب امتثل له = ولا للهوى شرهه ولالي مشاريه
يكفي عنا يكفي عذاب ومذله = يكفيني وتكفيك عن قول وش فيه
يكفي لدمع منه عيني تهله = يكفيني ويكفيك دمعي تساليه
يكفي طعون في خفوقي مظله = يكفيني ويكفيك نزف تشوفيه
ذا بعض ماقاسيت به موب كله = والباقي اعظم واعظم اللي مخفيه
والاعظم الاعظم وموتي وحله = كيف الطريق اللي بديناه ننهيه
لله من قلب همومه تتله = تلة رشا عدٍ تحنت سوانيه
على الذي عيا خفوقي يمله = رغم المرار اللي رواه وسقانيه
له منزل بالقلب ماحد وصل له= قصر الغلا ملكه وله بس بانيه
ولي منزل في قلبه تقول فله = فلة غلا والمالك الله يهنيه
االلي عطاله له وافي وكل كله = ليته عطاني منه لو ماعطانيه
ماقال ( احبك ) قلت يمكن جبلة = وباسباب ( احبك ) مات حلمي وانا ابنيه
مادري طلال اغناه عن حب خله = والا النصيب وحكم الاقدار مغنيه
وافي
.
.
.