اختي الكريمة رحيل
اسعدتني مداخلتك واسمحي لي بأن أجاوب على تساؤلاتك >>> أنت من سألك
أولاً: (وين حركات العنطزه اللي في الطياره !! ): حركات العنطزة ما جابت ليّ الا الجوع وعلشان كذا بطلتها.
ثانياً: (تبي رأيي . . مالك الا نصيحة اخونا "خلف" ): مشكورة على نصيحتك بأني أطبق ما قاله أخوي الحكيم خلف، وراح أزيد عليها وأقول لجاري: . . الجو عندكم بجده حر مرة . . ( ما شاء الله على اللي جاي من القطب المتجمد الشمالي) . . . بعدين هو بالتأكيد حيسألني: ما شاء الله أنت كنت مسافر؟.
أقوم داخل عليه بموضوع السفر ، واسلم عليه من جديد >>> يا حبك للتسليم.
ثالثاً: ( ساعتها من يساعدني بتلقيط وجهي ؟): تساؤلك هذا اللي ينتج عنه "تلقيط الوجه" تساؤل في محله، وعلشان كذا، وحتى نتفادى تلقيط الوجه وخلافه ممكن نعدل "نص" النصيحة ونحذف "الحمد لله على السلامة" ونستبدلها بعبارة: "ياشيخ وحشتنا" >>> اللي يقرأ هالكلام يحسب أننا نتكلم في اتفاقيات الحد من التسلح بين الدول العظمى.
دمتِ أختي رحيل بصفاء وسعادة.