من نشدني فالهوا عن وصف خلَي=التفـت وقلتلـه كامـل وصـوف
ويش اوصَف من حلاه وويش أخلي=لا بدعت البيت تاهـن الحـروف
وان وصفته كل شعري يضمحلـي=والمعاني ترتعش رهبـه وخـوف
هيبته تخجل بيوت الشعـر واللـي=يكتبه واللي سمع واللـي يشـوف
هـو بعـد عمـري واهلـي وكلـي=يازيـن طيفـه يابعـد كـل الطيـوف
يازيـن بسمـه علـى ثغـره تهلـي=ترسم صفا وكـل العطـا وماتـروف
تسكـب الهـدوء سكـب المعـلـي=تروي الظما وتجعله خيـر وريـوف
ان جيت ابوصـف زولـه شخلـي ؟=لصاحبي نظرة بهـا سهـام وسيـوف
تعيـش معهـا السنـيـن وماتمـلـي=تقـول ذاك اليـوم شفـت مهـيـوف
شفت المهابه شفـت الثقـة والتعلـي=لاحشا موتعلي ..العلا يوقف له وقوف
انا اشهـد انـه مـن ماشـاف خلـي=ضاعت حياته هدر ..ضيم وحسـوف
ياجعلـي مانحـرم شـوفـة الـلـي=له الحشا والعيـن والقلـب موقـوف
من قال انـه ماسبانـي ومـن لـي ؟=عز الله انه سبى مني حتى الحـروف