منتديات الوئام - عرض مشاركة واحدة

24 / 08 / 2008, 45 : 12 AM

..؛

زينوها وإدفنوها والكفن ثوب الزفاف
غصب عنها زوجوها وسلموها للغريب؟!

مجبره ماشاوروها قصدهم شرع العفاف..
مادروا إن البنيه مغرمه ولها حبيب..!

جهزوها وهي تبكي وترتشف دمع إرتشاف..
وخبروها إن موعد الفرح منها قريب..

مالقت أحد فهمها وهمها ناظر وشاف..
إن حكت باللي سكنها مالقت لها مجيب

وكانها هي وافقتهم جرعوها الزعاف..
حالها من فعل أهلها صار محزن ومريب..

والحفل قرب وقامت ترتجف خوف إرتجاف..
كل يوم تقول باكر الفرج بإذن الرقيب..

باكر يمكن يفهمون قصتي بآخر المطاف..
جاء باكر ثم عدا وجاء بعد باكر عطيب..

وعلقوا عقد الإناره وإحتشد فرد وآلاف..
أيقنت إن الجرح جرحها مالها طبيب..

وإنها لازم تطيع أمرهم وترضى الجفاف..
وجو لها والدمع يغرق جفنها الحلو الرطيب..

قالوا يالله ألبسي ثوبك اللي للزفاف..
كفنوها وفي نظرهم زوجوها للأديب..

فرشوها الهم دايم والأسى لها لحاف..
ياحسافه دخلوها والحشا يغلي لهيب..

وإحكموا قيد البنيه وإسجنوها بإلتفاف..
ودعتهم وهي تقول "حسبي الله الحسيب"

رحلتي ماهيب طويله ورجعتي بعد القطاف
سافرت عن دار أهلها وقلبها خطر وصويب..

سافرت مع منهو خطفها من أمانيها الضعاف..
خايفه مستوحشه والعرق فيها صبيب..

قلبها ينبض بذكرى ماضيه فيها إختلاف
حاولت ترضى بقدرها وللحدث هي تستجيب..

بس عيت تقتنع وعشقها ذاك الضغاف..
هو سألها جاوبيني ليه دمعاتك سريب..؟!

ليه لي ماتنظرين وأنا زوجك شخص واف..
قالت بنظره خجوله أنا في وضع رهيب..!

غصب عني زوجوني وإطعنوني بالرهاف..
هو سكت لحظه وتأمل وش أسوي يامجيب..؟!

عقله وقلبه نطقها صاحب النخوه يعاف..
قال منهو غير حبي يسكن بقلبك نجيب.!

من تولى عرش قلبك إهتني به ياعفاف..
وباكر الرجعه تراها وإمسحي الدمع العجيب..

خايف إني أمسكك وأقترف الذنب إقتراف..
إضحكت ضحكه وقالت مابعد هالطيب طيب..!

الله يجزاك عني بالأجر ويسر الطواف..
إرجعت وقالت رجعت ياأهل الشرع الغريب..

بنتكم جتكم ولكن بعد ذل وحساف..
وإبعثت مرسول عاجل أنا جيتك يالحبيب..

النذر اللي نذرته صار وافي يامناف..
إجلست يوم وتأخر لارساله ولامجيب

وعقلها يمه تشتت وبدت بالغيبه تخاف..!
مرها طفل صغير وإسألت عن الصحيب..

قال مات ليلة زفافك وإندفن بعد الزفاف..
ناحت بحسره وطالت الليالي والنحيب..

ودعت قبل اللقاء حلمها الزاهي وطاف..
إقتلوها مرتين وشابت قبل المشيب
وذاب قلب قد تعلق والبصر جاه الكفاف..

للشاعر ... ؟؟؟