يالعيص فالك خير والخيـر لـك فـال=عسـاك تسلـم بالسنـيـن الطويـلـه
يحميك رب الكون من شـر الاهـوال=تبقـى لنـا يالعـيـص دار القبيـلـه
هزات برضك والصدى صوت بجبـال=ما كنهـا الا فـي صـدوق المخيلـه
وصوت الرعد في باطن الارض زلزال=ماهـو رعـد بيـن المـزون الثقيلـه
والارض تغلى ودهـا تخـرج اثقـال=ولا باقـي الا قـدح نــار الفتيـلـه
لاقــدر الله والبراكـيـن تـنـهـال=تخفـي معالـم بيـن يــوم وليـلـه
ياديـرة الاجـداد تبقـيـن مـنـزال=وعسى عليك مـن ا لمـزون الظليلـه
ارض الوفـا للضيـف دارٍ ومدهـال=هي والكـرم مثـل العميـل وعميلـه
من جالها يشرب مـن الجـود فنجـال=وترحيبـة تشفـي النفـوس العليـلـه
يابصمة الماضين ذكـرى بالاطـلال=طـول السنيـن اثـارهـا ماتزيـلـه
تسلم لنا يالعيص فـي كـل الاحـوال=والشـر يعلـن عـن ديـارك رحيلـه