أستأذنت أصحابها في بعثها من جديد
وقد اوردها شيخنا قديماً
::
هذه القصيدة تم طرحها في منتدى ملتقى الشبكات
بتاريخ 7 / 12 / 2000م وكانت موجهة لي ..
واليكم قصيدة اخينا الوافي والرد عليها ..
wafei
يالبجادي علىّ الحق ترى الأمر هام
به قضية عجزت احل عنوانها
عن حمامة تغرّد للطرب والهيام
وكل يوم بجريدة تنشد الحانها
ماتعرف الخوال ولاتعرف العمام
ولا تميّز من اللي بالكرم هانها
وعادت لدارها من بعد حل الظلام
والعطش غصب حاديها لغدرانها
وارتوت ماء طهور وقالت الماء حرام
وطاهر الماء حلال بملة اديانها
وقمت اترجم لها وعيّت تعرف الكلام
وكل جهد ٍ بذلته ضاع من شانها
يالبجادي لو اقتلها عليّه ملام
دامها جات صوبي تنقل اكفانها
الرد للبجادي
يا هلا ومرحبا باللي يرد السلام
يوم وافي شكا لي يربط عنانها
القضية بسيطة دامها بالحمام
الحمامة تغرّد وانت نيشانها
مثلكم ياعزيزي بالهوى ما يلام
دامت النفس خضرا وانت ربانها
وكان تنشد عن اللي هيّضك بالغرام
شاعرة بالجرايد شفت قيفانها
وعادت لدارها مافكّرت بالزحام
دارها منتداكم بالكرم صانها
واذكر الله تراها جت على مايرام
واقبلت يانديمي تسحب اردانها
والبجادي وصل وشد وسط الحزام
ومن خلال القصيدة جاب عنوانها
::
صحت ألسنتكم مليون ولايسدون
وصحت أبدانكم مدد مدد
دمتم بكل الود..