نـبـع العـذوبـه دونـه البـاب مـوصـود= إلا عـن اللـي لاوزنـهـا وزنـهـا

اللي يجيـب من البحـر لـولـو عـقـود= كـل المـوانـي جهـزت لـه سفنـهـا

حتى لو ان الدخل ملوي و محـدود = المـزمـنـه يـكـوي جـروحـه زمنـهـا

فـز الـربيـع وجـابـت علـومـه النـود= والأرض ربـي بـالخـزامـا دفنـهـا

وام العيـون السود ورمـوشهـا سـود=تبي تربـع مـن وطنـهـا بـوطنـهـا

البـارحـه بـالليـل مـاعنـدي شهـود= من صـحـة لساني لـ صـحـة بـدنهـا

تطرب واغني واسكت وتطـلبـ ن زود= وابعـث رميـم القافيه من كفنهـا

اذبحلهـا معنـى لـه سنين مفـقـود= اللي ذبحتـني ذبـح ماتـدري انـهـا

عليهـا ضحكه كنـهـا دنـدنـة عـود= وشلـون اسولـف للعـصافيـر عنهـا ؟

اقـول ضحكة طفل قبل امس مـولـود=ولا البنـات وهـن بنـات عشقـنهـا

على ملامـح وجههـا الملـح مجـرود= وكـل مـاتمـر الـزعـفـران يحضنـهـا

ماكن دهن العـود معها دهن عـود =العــود اضنه يـاخـذ الدهـن منـهـا

على صباحه مطلـع الشمس معـقـود= وجـدايلـه ليل الشتـا طاولنهـا

ماللسواد بديـرة عيـونهـا حـدود= غيـر العيـون الـرمش يآمــر وينـهـا

ومتلثـم الرمـان عنقـود عنقـود =مـديـت لـه عينـي وكفـي سجنـهـا

حتـى النحـل لـو جبت لـه بـاقـة ورود=راح لـ..شفايفـها الـرقيقـه وسكنهـا

والسالفه تضحـك وانا كنت مـوجـود=ماتـدري ان الشعـر يدفـع ثمنـهـا

اروح اعبي بـالقلـم ملـح بـارود =و انشب بحلـق القافيـه وامتحنهـا