[poet font="Simplified Arabic,14,black,normal,normal" bkcolor="" bkimage="http://195.42.183.14//backgrounds/49.gif" border="double,4,gray" type=0 line=200% align=center use=sp char="" num="0,black"]
العيد قرّب ياعسى أيامك كلها أعياد
ويعود عيدك يامنيتي والعز كاسيه حلّه

طالت أيام فرقاك وطالت ايام البعاد
يالله طلبتك ترزق المحتار باللي يدلّه

أيام خلق الله فرح وأيام عيدي سواد
ودمع المحاجر بقوة قامت عيوني تهلّه

وافراح عمري حبيسة بين قاضي وجلاد
وحبك يالعنيدة سكن وسط قلبي واستحلّه

حسبي على عشقٍ ترصد لي ترصاد
أحرم عيوني نومها وأيام عمرك مسفهلة

وأعلنت حبي لك على رؤؤس الأشهاد
اللي رضي مشكور والحاسد الله يعله

اهوى عذاب الحب وأشتاق له وازداد
لغزٍ محير حيل عجزوا العشاق حلّه

ربي عطى يوسف نصف زين العباد
وانتي لحالك خذيتي باقي الزين كلّه

جعل من لامني يهلك بريح قوم عاد
ويبليه ربي بالبلايا لين الخلايق تملّه

والعيد قرب ياعسى أيامك كلها أعياد
ويعود عيدك يامنيتي والعز كاسيه حله


[/poet]