المشاركة الأصلية كتبت بواسطة رحـــــــــيل

يالله دخيلك كلهم صاروا احباب
............... تب الزمن ماهو لـ هالناس تبه

لو جيت تحسب مالقيته فـ الأقراب
............... مجموع الأعداء اكثر من الأحبه !!

أنا و انت و انت فـ قلوبنا عتاب
............... لكن بعض أيامـــنا مُستـتبه ..

نخـاف نفتح قلبنا ينفتح باب
............... خص القريّب ودنا ما نسبه

والله يا بعض المعارف فـ الاجناب
............... اخلص من قريب النسب فـ المحبه

هذا إن تردى ينحسب مية حساب
............... ولا القريّب لو فعل .. ما تكبه

محدن يبي يبتر ذراعه ولو عاب
............... عمر السفينه ماتعاكس مهبّه

لو جيت تقطف من عناقيد الأعناب
............... لابد ما ترمي منه كم حبـــــه

تلقى السبب يوم تمعن فـ الأسباب
............... و اللي جهل يلقى السبب عند ربـه

واللي وطت رجله على جرة الداب
............... تلقاه أحرص بمشيته و يتنبه

و اللي يقول إن البحر سهل كذاب
............... ما اظن يعرفه زين حتى .. يطبـــه

واللي يدور مدحته عقب ما شاب
............... ماتنفعه لا صار مثل الجلبّه

أنا احمـد الله مسّـت لبيتنا أطناب
............... نثبت ولو زاد الهوى في مهبّه

و اليا هقيـت إني تكاسلـت ارتاب
............... سارعـت في كيـف الرجال و مشبّه

و يطري علي شطـرٍ بشرهـات و اعجــاب
............... ياكليـب شـب النار يا كليـب شبـه ..