 |
 |
|
 |
|
السلام عليكم ورحمة الله وبركاته
اختي العزيزة الي ما قدرت اعرف اسم معرفك
والله كتبتي عن شئ انا حاقول ليكي عنه انو عادي ومو غريب
الغريب انو قاعدة بتتكلمي عنو على انو غريب وخاصة في السعودية
بالعكس هو شي عادي وخاصة عندنا بالسعودية
مو شي عادي اقصد انو مافي مشكلة الواحد يسويه بالعكس غلط واسميه خيانة وعدم مسؤولية
لكنو عادي اقصد انو متوقع تكون مثل هذي التصرفات موجودة
اش تتوقعين تشوفي في بلد القمايم الله يكرمكم بالكوم ... المجاري وتصريف المياه في الشوارع والاحياء بالاسابيع
امطار لما تنزل في مدن من اكبر مدنها ولا بتتشفط ولا تتصرف بالايام
كيس زبالة والا مناديل والا علب مويه وعصير تترمي في الشارع من شباك السيارة
عماله اجنبية وبالاخص هندية طول ماهي ماشية تتفل في الشارع التنبول حقه لونوا الشوارع بالاحمر
دكاكين وبقالات واسواق خضار عفنة
زبايل في الحدايق وفي المنتزهات وعلى الشواطئ مرمية
استقدام عمالة اجنبية مايعرفوا في بلدهم ادنى مستويات النظافة ويشوفوا الي بيسووه دا عادي لانو في بلدانهم بيمشوا حفايا وعريانين الله يكسيهم ويغنيهم بفضله مانمن عليهم الله يمن علينا وعليهم
عامل هندي والا مصري والا سوري والا افغاني مسلوبة بعض حقوقه وتمت معاملته بطريقة سيئة بالكلام او بالتهجم عليه بكف والا بمد يد كيف تبغيه يرد ويتنقم
رغم اني الاجانب في السعودية رغم المعاملة السيئة لهم الا انهم بيشفطوا مننا فلوس لا تعد ولا تحصى والسبب دلاخة السعوديين
انا اختصرت بعض من كل بما يخص بلدنا العزيز فليش نستغرب الي انتي قلتي عنو وكأنو اول مرررة نسمع او نتوقع بانو اشياء زي كدا بتسير
بس كمان الاشياء الي انتي قلتيها ما بتسير في بلدنا بس بتسير في كل دول العالم واكبرها واكترها تقدما
بتشوفي عامل في مطعم بيخش الحمام الله يكرمكم ويطلع لا غسل يده ولا استخدمت موية وساعات بتشوفيه قدامك بيقضي حاجته الخفيفة ويطلع يكمل يحط الهمبرجر بيده الوسخة من غير ما يلبس جوانتي
ما ادري دا الشي الوحيد الي باشوفه عندهم بكترة ما ادري عن بقية الاشياء لكن ما استبعدها رغم انو اقل من عندنا لانو هم شعوب عندها الاحساس بالامانة والمسؤولية واخلاص بالعمل اكتر مننا
نجي لدور المراقبة والمحاسبة !!!
الاشياء دي بالزات مرررررررررررة صعب مراقبتها .. كيف بدك وزارة الصحة والا الشؤون البلدية تراقب الناس دولا ؟؟
ترسل ناس مخبرين يتفرجوا ع الخباز وهو يعجن متنكرين كزباين !!
وهو الخباز اصلا حيسوي كدا قدام احد !!!
تجي توقف على راس كل عامل مغسلة لين ما تشوفه غير الموية وحط مويه جديدة في كل غسلة
والا تجي صدفة وتكبس عليه فجأة وتشوف الموية ؟؟!!!
ما حيقولهم الراجل ناس ملابسها عفنة ووسخة وسخت الموية والا انا حاطط موية نظيفة
حتقولي يجوا ياخدوا عينات من الاكل ويقوموا بالكشف عليه ؟؟!!
ما هم بيسووا كدا بس غالبا ما يجي معاهم شي
الاشياء دي ما تتصلح الا لما يعمل فيها ناس امينين سواء اجانب او من اهل البلد سعوديين يحبوا بلدهم واولاد بلدهم ويخافوا عليهم لانو واحد منهم
تجي من الخوف من الله ومراقبة الله في كل وقت
"ان لم يكن عمر يرانا فالله يرانا"
حل مشاكل العمالة واستقدام عمالة نظيفة من بلدان نظيفة تعيش النظافة في بلدانهم مو عمالة متعودة ع الوساخة
وبعدين لازم من العقاب ويكون العقاب قوي جدا في حق المخطئ عشان يخاف كل واحد يفكر يعمل شي زي كدا
وعلى قولهم : من أمن العقاب ساء الأدب
وبس اخلي فرصة للأخوة بالمشاركة وطرح ما عندهم
مشكورة اختي كثيرا على طرحك لموضوع حساس وشائع ويمس حياتنا اليومية
وسامحينا على اسلوبي في الرد لكن انقهرت كتتتتتتتير والله
الحجاج |
|
 |
|
 |
اولا منور اخوي الموضوع كله
وثانيا اسمي سنو وايت
وثالثا خذ راحتك بالموضوع لانه نقاش ومعاك حق في كلامك
والنهايه ان شاء الله راح يتحاسب .....
منور اخوي الحجاج..