هو انت روّحت يالخدري = بدري على الهم والضيقه
وبدري على ملحمة كدري = وترويض بالي وترويقه
ومخالطت شمسي ببدري = وتغريب فكري وتشريقه
ياكثر ماقلت لك بدري = الين حلقي نشف ريقه
روحتك وإن كنت ماتدري= تعصر لها القلب تعتيقه
وتفرش لوقتي زهرغدري= وأنا من سنين ما أطيقه
ويستبسل الدم في هدري = وشلون تسْكنه وتريقه
ياني معك كنت ياندري = والا انت من عرض عشّيقه
لوحتلي فوق ومن حدري = خطوات كل همك تعيقه
ويبستبي وردي وسدري = وأحرمت روحي رواحيقه
طيب دخيلك ابي ادري = وش قصة الهم الضيقه
الهم والف على صدري = والصدر والف على ضيقه
والشعر وجهه غدى ودري = ولو زانت أغلب طواريقه
الله عويني هو ال يدري = وطمعان أنا في توافيقه
وإلا الشعر لو رفع قدري = ماموت الضيق توثيقه
شكرآ طفح ضيقي بقدري = وتستاهل آحر تصفيقه
والحين ماعاد به بدري = قد والفت صدري الضيقه
وصعبه انادي وسع صدري = الحلق يابس يبي ريقه
//
//
منصور الفهيد
.
.
.