انتهى المشـوار ذا اخر قرار = انتهـــى ونهايته بئس المصير
لاتعـذر مايفيد الاعتــــــذار = كـفكـف دمــوعك وعجل بالمسير
قـالت اسمحلي اقل لك ايش صار = ولا تعـذبني تـرى جـرحي كـبير
انت تـذكر يـوم جيتـك بالنهار = قلت لا لاتـكمـلي اذكـر كـثيـر
اذكـره واذكر لـمن بالليل زار = واذكـر الموعد على جنب الغدير
واذكر اللي ودعـك وسـط المطار = وانتظـرتي لـين محبوبـك يطير
وانقـلب لـونه وبـدل باصفرار = قال لي تـرى كـلامك ذا خـطـير
مادرى انـي داري ظـبي القفار = يحسـب اني جـاهـل باللي يصير
قـالت انا كنت اروح الاختـبار = وارجع المنزل ماقوم من السرير
وهـل دمـع فـوق خـده تقل نار = والـله انه هـل من دمعه غزير
قالت الـله يعلم بغـيب وجهار = ويعلم الـله ايش مخفي بالضمير
والـله انه لو يجـوز الانتحار = لانتحر وش عـاد ذا عمـري قصير
كـفكف دمـوعه وخـلاني وســـار = بعد اذان الفجر من قبل الاخير
وفات خمـس شهور عايش في مرار = وجمعتني صـدفه بـذاك الحـقير
قال ابوي يقول ابوكم كان جار = ومـاتت امـي وقتها تـوي صغير
وارضـعتني زوجة الشيخ المجار = وصرت اخو لعيالها وانا الكبير
صـفـقت يـمناي بالـكف اليسار = واتـذكـر دمـعة الظلم المرير
حـارت اقـدامي وكل الفكر حار = بعـدها قـربت مـثواي الاخــير
ليتني قـبلت منـها الاعــتذار = النـدم مافـاد يابئـس المصير
وافي
.