يالله تعالو كلكم يـا اهـل الـروم = يالله تعالو واسمعو قصـة العمـده
لو كان ماني بالتواصيـف ملـزوم = لاشك صدري ضاق ثم باح سـده
البارحه جاني الغضي في حلا النوم = ومن خوفتي لا يروح مسكت يـده
قمت اتشره واسرد اعلوم واعلوم = وهو مدنـق دمعتـه فـوق خـده
ثم قلتله ويينك من العـام لليـوم = ليه الغياب وليـه هجـرك تمـده
ما تدري اني عقب فرقاك محـروم = والبعد كافـر لعنبـو جـد جـده
قالت تريض وانت غالي محشـوم = وتـراي مانـي للعتـب مستعـده
دنياي صارت بيين حاكم ومحكـوم = وعزي لمنهو وقف الوقـت ضـده
مثلك يقدر وانت ساسك من قـروم = خل العتب في وسط جوفـك ورده
ولدة علي بشفتن يا مـلا القـوم = وقعدت اذوق الشهد جزره ومـده
وضميتها ضمت غريرن ومفطـوم = امـه توفـت والعـرب مستبـده
وفزيت من نومي وانا تقل منجوم = ورجعت ادورها بريـش المخـده
اثر الدعاوي كلها احلـوم بحلـوم = الزيين لا جانـي ولا نيـب عنـده
العمده
.