قالت وداع وهـــــل دمعي من العين = يا شــين لحظات الوداع الاخيره
قلت اسمــــعـيني مــاعليّه تـُــهونين = لحظـــه وانا بعطيك كل السريره
قالت (بدا) وارجوك تسمع معي زين = والهـرج يكـفي صامله عن كثيره
عندي كـــــــلام بكتبه عبر سطرين = والله يــدبر بالـمــــــقادير خـيره
قلت استمع لك تم مــن شان ترضين = والخا سـراللـي ما تسمع شويره
اصغيت له والقلـــب بـــه شب نارين = نار الـمحبه والكـــــلام الخطـيره
بدت تقول الناس صــــاروا حسودين = وصـارت نوايـاهـم علينا شريره
ياما سمعت اقــــــوال نـــاس ٍكثيرين = ونا مـن اقـوال العــرب مستذيره
قررت اغـادر وأتـــرك اغلى الوفيين = وفـارقــــك لـو المفارق عسـيره
ابي ابتعد ، كم يــوم ولا زمـــــــانين = وأ عطي جهازي من بغى يستعيره
والان انا ودعــــــك واخْـذْ البراهين = اني احبك حـب قــــــدر ه كبيره
حلفت لك بالله مــــيه وخمــــــسين = إني صــدوقه يا زبـــــون المغيره
قلـت اصــــبري تكفين تكفين تكفين = لا تجعـلين القلـب في وسط حيره
لاتقطعين القلب لا لا تروحـــــــين = ســـــرك ترى مدفون في وسط بيره
الو الو اشفيك منتي تـــــردين = طفــــــــــــى جهازه والنهايه مريره
وش حيلتي يهل الحيل بس ذا لحين = الزين راح ولا عـرف وش مصيره
يالله لا ترحــــــم وجــيه الشياطين = اللي سعوا بين العـشير وعـشيره
هذي نـهاية حب مـــــــــن بين الاثنين = قصــــــــه درامـيـه مثـيره مثـيره