ياللي وراك ضلوع ومن دونك ضلوع
متمركز بالصدر كنكـ ..... وداعه
ودي اناقش مع سعادتك.... موضوع
وابغاك تعطيني فقط "نص" ساعه
صار اتصالك من اسبوع لاسبوع
حرمت وصلك..واستحبت القطاعه
وتغيرت فيك انطباعات..طبوع
وتجددت في نظرتك لي ...قناعه
عيشتني في كل مرغوب ممنوع
وحرمتني من كل .... سمعا وطاعه
وعلمتني ان الجفا له كذا نوع
وان الهجر بالذات اكثر بشاااعه
اول تجي يمي من الشوق مدفوع
ومااحلى من المشتاق غير اندفاعه
وان غبت عنك تصيح ودموعك دموع
مافيك لا لصبر الجميل... استطاعه
مجنون فيني و"القلم" عنك مرفوع
همك رضاي ومجتهد....فاتباعه
واليوم..لا حبل الرجى فيك مقطوع
مشيت درب اللفلفه واللكاعه
واللي تسبب في تغيرك ..مجموع
عدم ثقه فيني...وبث الاذاعه
خل الكلام اللي من الكذب...مصنوع
واخذ الكلام اللي تذوق انتفاعه
ماكل هرج يمر"اذانيك"..مسموع
اربع ارباع اللي يمرك اشاعه
لو الحكي بفلوس او شيك...مدفوع
يمديك ضامي لالكلام...وسماعه
ياشينها لاجاتك همومك"جموع"..
ولاعاد عندك للمواجه....شجاعه
وياشينها لوكان عندك حق مشروع
واقربهم لقلبك سعى في ضياعه
هذا الكلام اللي من القلب مطبوع
واقرا كلام القلب وشوف انطباعه
واسمع تري الجوال ماهوب مقطوع
شغال له اربع وعشرين ساعه...