ياصاحبي والسوالف منك مابيها
أنا اكتفيت وخذيت من الزمن قسمي
أشياء كثيرة تمر وخاطري فيها
ويردني عنها كبري وكبر اسمي
لي نفس دايم على الحشمه مماشيها
تبين وقفاتها بالموقف الحسمي
ياعل مايفرح بــداهـــا معاديها
ويمطر عليها السعد من صيب الوسمي
واشوم ، والحاجه الشينه نخليها
تلقى لها واحد ماهو على رسمي
والناس ماكلها نقدر نجاريها
يانفس لاشانت وجيه الردى ابتسمي
بعض البشر من كثر ماني بمغليها
ودي تشاركني من الخير في قسمي
وبعض البشر ودك انك ماتجاريها
ودك تعاملك معها دايم(ن) رسمي
عين(ن) تبيني بتشريني وباشريها
حتى لو اصغر عيوبي بالخفاء دسمي
مما راق لي(:
للشاعر سعد المطرفي