الا يادمع

ألا يا دمع لا تذرف دخيلك وش هي الأسباب
وش اللي يجبرك تذرف وتكسر في الهوى عيني


وتحرقني ليامنك ذرفت وتحرق الأهداب
وتكسر بي شموخٍ ما خبرته انكسر فيني


شموخٍ ما انكسر فيني على كثر الهوى الغلاب
وكثر جروحي اللي من صدوق الحب تكويني


من اللي يجبرك تذرف؟ من اللي يجبرك تنساب؟
وتروي خدي الظامي وتنبت به بساتيني


وتشمت فيني العشاق وتشمت فيني الأصحاب
وتشمت بي مع الأصحاب ناسٍ ما تدانيني


ترى الشاعر له حروفه مثل ما للسباع انياب
ليامن ضامته دنياه ورَدها المياديني


وانا شاعر ليامنه حكى جنوا هل الألباب
قصيدي لا دعيته ما يهمِلني يلبيني


ألا يا دمع وش ينفع خفوقي كلمتين عتاب؟
ما دام انه عشق بنتٍ غشاها الملح والزيني


دلالٍ ضمها قلبي..عشقها..مات فيها..ذاب
تولَع في هواها لين قام الحب يرثيني


عيونٍ كحلها يذبح..يدين مزيَنه بخضاب
شفايف تستفز الصبر وتصحِي شياطيني


من وصوف القمر فيها ولكن ويش جاب الجاب
ما دام ان القمر يبكي ليا قامت تحاكيني


يقول أرجوك لا تكشف حقيقة حسني الجذاب
ترى هالناس لامنها درت صارت تجافيني


صحيح الحسن في محبوبتك ما منه شخص ارتاب
ولكن طالبك هالشي يبقى بينك وبيني


وانا من شانها مع غيرها لا ما حسبت حساب
اذا هاذي تحاكيني واذا هاذي تناديني


بنيت لحبها قصرٍ في قلبي مترف وخلاب
قصر بين القصور المترفه ما مثله اثنيني


قصر كانت به اركانه وفا والصدق فيه اطناب
سياجه اوردة قلبي وحرَاسه شراييني


تعبت ازرع شجر ارض المحبة والقدر حطاب
تعبت اعلق آمالي على شماعة سنيني


تعبت اقفل لحبي باب ويفتح للحسايف باب
تعبت اجامل النسيان اقول انه ينسيني


تعبت ادمح خطا كذب الظنون وأطلع الكذاب
تعبت اكذب على نفسي واقول الحظ يخطيني


تعبت اوادع الذكرى واحس بحرقة الأعصاب
تعبت اقفي عن اشواقي ولا تبغى تقفِيني


إلين اصبحت ما افرق ما بين الحب والإعجاب
يميني صارت يساري..يساري صارت يميني


غدت في قلبي الفرحة تشح وتعلن الإضراب
وقلبي مل من جرحه ولا به من يداويني


غدى قلبي مثل طفلة بريئة والجروح ألعاب
تبي تلعب إلين اتعب ..تعذبني وتشقيني


غدى مثل العقيم اللي تمنى نعمة الإنجاب
واذا أطروا له الإنجاب هلت دمعة العيني


واذا هاذي معاذيرك وهاذي كلها الأسباب
شموخي طالبك يا دمع لا لا تكسره فيني


انا رجَال ما احب الدموع اللي على الأحباب
اموت بعزّتي اهون ولا حبٍ يبكيني


محمد الحارثي

ابياااات رااائعه
واذا هاذي معاذيرك وهاذي كلها الأسباب
شموخي طالبك يا دمع لا لا تكسره فيني


انا رجَال ما احب الدموع اللي على الأحباب
اموت بعزّتي اهون ولا حبٍ يبكيني
تعجبني عزة النفس الموجوده هنا،،شاعر وكفو صح لسانه مدد بلاعدد
وتسلمين وتسلم يمينك عالنقل المميز
شكرا ملكتنا الغاليه ربي لايحرمنا منك

.
.
.

توقعت الاقي اسفل القصيده اسم متعب التركي


ابيات روعه ياملووووكه وذوق رفيع

يسلم زوئك

قصيده جميله

صح لسان شاعرها

وسلمتي ياملكه انتي واحساسك

لاعدمنا هالذوق

.................

...

لم تكن رائعة فحسب بل كانت قمة في الروعة



ذوق رفيع عهدناه من ملوكة



شكراً لذوقك الرفيع


كلك ذوق


...

تعبت ازرع شجر ارض المحبة والقدر حطاب
تعبت اعلق آمالي على شماعة سنيني


تعبت اقفل لحبي باب ويفتح للحسايف باب
تعبت اجامل النسيان اقول انه ينسيني

أصعب شيء بالحب التعب في عطاء دون مقابل
والأصعب الحسايف أنك تكرم انسان ما يستاهل

منقول رائع جداا ملوكه الغاليه تسلمين وصح لسان الشاعر

لاحرمنا منك هالروعه الدائمه

وكعادتك نقل مميز اختي ملكه لاعدمناذوقك الرائع وصح السان


الشاعرمحمد الحارثي تقبلي مروري

ماشاء الله نقل رائع وجميل,,,

تسلم أناملك أخت ملكة,,,

وصح لسان الشاعر محمد الحارثي,,,

تـقبلي مروري,,,


...hamody...

	المشاركة الأصلية كتبت بواسطة شموع الغربية

	ابياااات رااائعه واذا هاذي معاذيرك وهاذي كلها الأسباب شموخي طالبك يا دمع لا لا تكسره فيني انا رجَال ما احب الدموع اللي على الأحباب اموت بعزّتي اهون ولا حبٍ يبكيني تعجبني عزة النفس الموجوده هنا،،شاعر وكفو صح لسانه مدد بلاعدد وتسلمين وتسلم يمينك عالنقل المميز شكرا ملكتنا الغاليه ربي لايحرمنا منك

الله يسلمك شعشع

	المشاركة الأصلية كتبت بواسطة راع المشاعر

	. . . توقعت الاقي اسفل القصيده اسم متعب التركي ابيات روعه ياملووووكه وذوق رفيع يسلم زوئك

هههههههههه عاد هالشاعر تعجبني قصايده
ربي يسعدك يااخووي