لمــــــــــاذا ياسعـــــــــــودي ؟؟

لاحول ولاقوة الا بالله
بعد مايبيه يسأل عن الوظيفة :p
اجل وش يسأل عنه؟؟

المهم
وعودة اخرى للسعوديات ومتابعة لحديثنا السابق الذي خلصنا في نهايته الى نتيجتين هامتين جدا
1- ان الحديث عن المراءة السعودية هو هجمة مخططة لها اهداف مرسومة بدقة وليست مجرد احداث ووقائع
2- النتيجة الثانية وهي محور هذا الموضوع فهي نقطة اثارها اخوي محسون (لماذا يتوجه بعض الشباب السعودي للزواج من اجنبية ؟)

في اعتقادي ان :
هذا الموضوع معقد وله اكثر من محور للحديث عنه
لماذا اتجه لغير السعودية سؤال مهم ؟؟
ا-هل هو غلاء المهور كما في الفلاش
وكما تحدثت اختي صمت المشاعر من قبل .
ب-هل بحثا عن جمال غير موجود بالفتاة السعودية؟؟
ج-بعض الناس يتحدثون عن التمسك بالدين والذي اصبح حاليا غير موجود بالفتاة السعودية
د-او بحث عن الخضوع الذي قد يتواجد من فتاة غير سعودية مقابلة مع غرور وكبرياء من الفتاة السعودية
وكما يقول الشباب ( ماابي وحدة تحط راسها براسي !!!!!!)
هـ-او بحثا عن لسان معسول وعذوبة في الالفاظ والكلام على حد قول الكثيرين انها غير موجودة بالسعودية
و- ام اتباع للموضة المحلية ( والله فلان جاب ............ وباخذ مثله !!)


ام هي اسباب خافية علينا جميعا ولم نتطرق اليها ؟
ام ان الشاب السعودي لايعرف مايريد ؟؟
اتمنى من الجميع الادلاء بدلوهم في هذا الموضوع
بانتظار ارائكم
تحياتي

لولوة

السلام عليكم ورحمة الله وبركاته

هلا اختي لولوة

الموضوع متشعب مره وانا ودي ابدي وجهة نظر

وانا بصراحة نفسي ارد على كل نقطة على حده

نبي نتكلم عن موضوع سبب الزواج من غير السعودية

ممكن غلاء المهور من الاسباب اللي تدعو لذلك لكن هل هذا فعلا هوالحل

هل الحل ان يتزوج السعودي من غير بلده حل ........ العادات التقاليد التي تربى

عليها كل منهما يجعلهما في مشادات دائمة ..........فلماذا لايكون الحل بمناصحة اولياء

الامور حتى يتركوا او يحدوا من طلباتهم التي تجعل الشاب يلجأ للزواج من غير بلده او قد

يعزف عن الزواج نهائيا مما يؤدي به الى امور لاتحمد عقباها .. وربما يتزوج السعودي من

بلد أخرى بغرض ان السعودية اقل جمالا من غير

بالنسبة لهذا الشاب أقول له انت غلطان والجميلة والدميمة موجوده في كل مكان

واظفر بذات الدين تربت يداك غاليتي الموضوع طويل ويحتاج اكثر من عودة

ولي عودة لتكملة الموضوع وياليت الكل يناقش ويطرح وجهة نظره وانا صراحه الاحظ

قللة المناقشة لمثل هذه المواضيع مع العلم انها هامة جدا

الف شكر غاليتي لولوة على هذا الموضوع المهم ولي عودة قريبا ان شاء الله

اختك صمت

:Dهلا وغلا بصمت المشاعر
دااااااااااااائما انتظر مداخلاتك القيمة وحوارك المتزن
اول نقطة اثرتيها هي غلاء المهور في المملكة
خلنا نقول ان شبابنا صارو خبراء اقتصاديين لقو ان الزواج من الخارج افضل
اوكي نحسبها بورقة وقلم
اذا الاخ تزوج سعودية بيدفع
مهر -شبكة -تكاليف المنزل -تكاليف الزواج
يعني نقول حوالي 130.000 ريال
ترى الحساب على اعتبار ان الزوجة قبيلية وبيدفع كسوى للاهل بعد

في حين اذا اخذ الاجنبية
يمكن مايكلفة كل الموضوع اكثر من 40.000 ريال
فرق صح ؟؟
بس لاحظي انه بعد كل سنه او سنتين تبي تشوف اهلها وطبعا الزيارة محتاجة لهدايا حدود ال 10.000بين تذاكر وهدايا وعزايم لاهل الزوجة وطبعا لازم يدفع قدامهم بزود لسبب بسيط وهو ( ليه عطو بنتهم لسعودي غريب عنهم من الاساس ؟؟)
يعني ال 13.000 بيدفعها بيدفعها قبل العشر سنوات
يعني هي المسألة شيفروليه كاش او تويوتا تقسيط ؟؟:D

وترى التقسيط بيدفع فيه اكثر على المدى الطويل والدفع موبس مادي لا ايضا معنوي لاطفاله
اعرف حالات كثيرة قابلتها اثناء الدراسة كانت الفتاة تواجه العديد من المشاكل ومنها حالة صديقة كانو يقولون لها بنت ............... ماعليك شرهه !!!!!

وترى ياصمت الاباء ماينلامون بقولك سالفة وخليها سر بيننا :o
واللي يدخلون لايسمعون السالفة

"أم ريـــال" .. (قصة حقيقية) حصلت في المملكة العربية السعودية تقدم سعود لخطبة ريم هي رفضت في البداية بحجة كل البنات إنها بتكمل دراستها لكن أمها وأبوها أقنعوها في الأخير لان الولد أخلاق ومستقيم ووظيفة محترمة ومن عائلة كبيرة والكل يمدح فيه ويتمناه لبنته.. المهم جا وشافها وشافته وأعجبوا بعض.. واخذ موعد من أبو ريم علشان يجي مع أبوه ويتفاهمون على باقي الأمور الروتينية.. جا الموعد المحدد وحضر سعود مع أبوه واثنين من أعمامه.. ومعهم المهر.. قام وفتح علبة المهر واخذ منها ريال واحد فقط ورجع الباقي وقال حنا نشتري الرجال.. عجز المعرس وأهله يقنعون أبو ريم فاستسلموا واخذوا فلوسهم ومشوا.. مرت الأيام وريم أبوها عوضها المبلغ اللي رجعه وجهزت نفسها وجت ليلة العرس.. أول ما دخلت ريم على عريسها استقبلها وقال: (هلا يا أم ريال!!!) البنت طاح وجهها ساعتها بس مشتها.. مو حلوة تسوي مشكلة من أول ليلة.. ومن ذاك اليوم وسعود ما تعدي ريم من عنده إلا يعايرها بالريال.. بعدين تطور الموضوع وصار يقارنها بكل شي بريال.. لين قال مرة: (تشوفين علبة البيبسي هذي؟ تراها تسواك؛ كلكم بريال خخخخخ!!) وكمل ضحك وهي تغلي.. بس ريم كانت كتومة ما تحب تشكي لأحد حتى اقرب الناس لها أمها.. ومرت الأيام وهو ما يناديها إلا أم ريال أو علبة البيبسي!! هو ما يقصد يهينها بس المزح الثقيل الله يفكنا من شره.. المهم راحت لأمها مرة وأمها كانت ملاحظة عليها إنها متضايقة من شي فحلَّـفتها تقولها وش فيها.. بعد محاولات كثيرة من الأم فضفضت لها ريم وهي تبكي وقالت لها الشي الوحيد اللي منكد عليها حياتها.. وطلبت من أمها إنها ما تجيب سيرة لأبوها.. لكن الأم قالت: (لا يا بنيتي أبوك غلط ولازم يصلح غلطته وياما قلت له إن هذا يقلِّل من قدر بنتك ما يرفعه لان الناس الحين يقيسون بعض بالفلوس بس ما سمعني.. خليه يشوف وش سوى.. إنتي يا بنتي لك كرامة وإحنا ما بعناك.. تطمني وخلي الموضوع علي) وراحت طيران لزوجها وهي تغلي بتنفجر من القهر وحكت له السالفة.. أبو ريم انهبل من اللي سمعه وحلف ما تطلع ريم من بيتي إلا راد لها اعتبارها.. جا سعود بياخذ زوجته عالعادة بس ريم ما طلعت طلع أبوها بدالها وسلم عليه وطلب منه ينادي أبوه وأعمامه يجون يتقهوون عنده.. وانه بعد المغرب حيكون في انتظارهم.. الولد ما شك في شي راح ونفذ اللي قاله أبو ريم وجاب أبوه وأعمامه.. استقبلهم أبو ريم وجلَّسهم في المجلس بدون ما يحسون بشي.. طلع أبو ريم من جيبه ريال ونادى ولده الصغير محمد وقال له: (محمد أبوي رح للبقالة وجب لي علبة بيبسي) الرجال استغربوا وضحكوا فيما بينهم على تصرف أبو ريم أما سعود ما وصلته الرسالة لسه.. جاب محمد البيبسي وحطه على الطاولة.. شوي قام وطلع ريال ثاني نادى محمد وأرسله يجيب له علبة بيبسي ثانية.. سعود بدا يعوّره قلبه.. كنه شم ريحة تلميح.. جا البيبسي وحطه أبو ريم جنب الأول.. وعمل نفس الشي مرة ثالثة وجاب بيبسي ثالث وحطه مع الباقين.. وقال: (الحين الله يحييكم اقدر أقولكم ليه أنا مناديكم.. أنا أخذت منكم مهر بنتي ريال واحد.. بس ولدكم ما قدر هالشي وقعد يعايرها بعلبة البيبسي.. أنا الحين غيرت رأيي.. أنا باخذ بنتي.. وإنتم خذوا بدال ريالكم ثلاث علب بيبسي!!) الرجال ما يدرون وين يودون وجوههم من كلام أبو ريم تفاجئوا وفشلهم سعود بعمايله بجد.. أما سعود الله اعلم بحالته شوي ويغمى عليه هو كان يتميلح وريم تبلع بس ما توقع إنها بتكبّر الموضوع.. أبو سعود قال: (والله ما لي وجه أقول شي بس أتمنى إنك تمسحها بوجهي أما سعود أنا بتفاهم معه.. وبنتك على راسي.. ترجع بيتها معززة مكرمة وأضمن لك إنه ما راح يعيد اللي سواه) رد عليه أبو ريم: (كلامك على عيني وراسي يا بو سعود بس والله ما تطلع بنتي من بيتي إلا بثلاث مية ألف ريال مهر زيها زي غيرها.. أنا يوم رفضت أول مرة آخذ الفلوس توقعت إنها بتكبر بعيونه لكن مع الأسف اكتشفت العكس) طبعاً الجماعة ما قدروا يقولون شي إلا إن هالشي من حقك وحق بنتك.. وجمعوا المبلغ وقدموه للبنت وكذا ما عاد فيه شي يضايق ريم بس سعود ما عاد له عين يحطها بوجه أبوها

ها وش رايك ؟؟
اما النقطة الثانية وهي البحث عن الجمال
وهنا استغرب بحث الشاب عن الكتاب في سلة الفواكه وتركه لدار الكتاب !!
انا لن اقول بان السعودية جميلة
فهي ليست بحاجة لدعاية
سأقول اقراو الكتب العربية القديمة والحديثة عن وصف الجمال ستخلصون الى نتيجة واحدة فقط
اجمل النساء
خالص العرب وخالص الفرس
اذا من هم خالص العرب ؟؟
انهن نساء شبه الجزيرة العربية
ولن ازيد .........

تحياتي غاليتي
بانتظار عودتك
لولوة

هلا بك اختي لولوة

وانا وعدتك ان لي رجعه قريبة وانا رجعت

وبصراحة شدتني جدا القصة اللي ذكرتيها ...... لاحول ولاقوة الا بالله

يعني لا الطيب ينفع ولا الشدة تنفع....... حبيبتي لولوة

بصراحة التصرف اللي سواها الوالد في بادئ الأمر شئ جدا جميل ويؤجر

عليه والرسول صلى الله عليه وسلم وهو صفوة البشر زوج بخاتم من حديد

وهو صفوة البشر .. ولكن هذا الوالد عندما أخذ الريال كان يحسب ان اللي قدامه

رجال بس طلع نذل وحقير وما يستاهل الا صفعة على الوجه تصحيه وتأدبه

لان اسلوم الرجال وشهامة الرجال ما تناسبه متربي الله هو العالم بحجر

حرمة ولا هي اي حرمة حرمة نذلة لان الحريم السنعات يعرفن يربن التربية

اللي تطلع الرجال ...... والله ان المبلغ اللي طلبه والد البنت قليل على أشكال

هذا النذل ...

غاليتي لولوة .......بعد هذا التعليق على هذه القصة المخزية للأسف

نكمل نقاشنا عن الكلام المعسول وان السعودية لا تعطيه لزوجها ... ربما يكون

ذلك صحيحا على سبيل المثال .... ! لماذا الرجل السعودي لا يسأل نفسه ويحاسب

نفسه ... قبل ان يحاسب المرأة ... فالمرأة ان وجدت الكلمة الحانية والكلام المعسول

ليش ماتبادل زوجها وليش ..الملامة كلها على النساء فقط

والله ثم والله انه فيه زوجه قالت لزوجها قللي أحبك تدرين ايش رد ...!

قال ايوه هذي هي قلتيها طيب ليه الغرور ليه ما يبوح عن اللي في خاطره

ولو جينا للواقع لاننا كنا نضرب امثلة فالزوجة الان عندها العذوبة والكلام الحاني

الصادق الذي يخرج من قلبها ليس مثل من تزوجت السعودي من اجل ماله

والله المستعان

ولي عودة لابداء وجهات نظر فقط

تحياتي لك غاليتي لولوة وعساك على القوة

على فكرة ما نسيت صاحب الريال اذا تعرفينه قولي له تقولك صمت الرجولة بعيده

عن شنبك وما تستاهل الملاك اللي معك لانها بنت اصل وبنت قرم على الشدة

اختك صمت

تسلم والله على هالمشاركة الحلوة


|2|

المشكله مشكلة التربيه
فيه ناس والله زي العسل وتنشر بالمال

اذكر لكم قصة واحد زوجت اخته بمهر عادي
عشر آلاف ريال مع ان العريس اصر عليه انه ياخذ اكثر من كذا
لزوم الذهب وشغلات العرايس عليهم بلاوي

المهم اخو العروس رفض ومااخذ الا عشره

والله بعد الزواج كل شهر والا شهرين يفاجيء زوجته بطقم ذهب
والا بهديه عليها القيمه خلاها تعيش معه زي الملاك

ترى الناس يختلفون

تحياتي لكم

السلام عليكم ورحمة الله وبركاته
الاخت / لولوة الغامدي
الموضوع الذي تم طرحه من جانبك جدا مهم
وذلك لان اختيار الزوجة المناسبة كاختيارك لشجرة تزرعها لتستفيد منها لانك تنتظر
ثمر طيب ولا شي افضل من النخلة ، لقد شبهة المرآة السعودية بالنخلة وذلك لانها اصيلة
واتي ذكرها في القرآن بانها الافضل ...........

اختي : الزواج من الخارج نابع لقصر الرؤية لدى من يتزوجون من اجنبيات حيث انهم
لا يدركون عواقب هذا الزواج ، حيث انه سيشعر بالراحة لفترة وما ان ياتي الاولاد تبدا
المشاكل تطفوا للسطح كمثال قد يختلف الاولاد مع زملائهم في الحارة او في اي مكان
فيعير بامه ، مما يترتب عليه المشاكل في الحارة وانطواء ابناءه وخوفهم من التواصل مع اقرانهم خوفا من ان ينطقوا بعض الكلمات بلكنة تختلف عنهم فيستهزئون به .....هذا جانب

لسمح الله توفى الرجل من سيعول اولاده او زوجته هل سترجع بهم الى بلدها ..؟؟
او طلقها ما مصير الاولاد ، واذا جلسوا مع والدهم خذ سفرات لزيارة امهم ..

واذا جئنا الى اللغة قيل بان اللغة الام وليس الاب فالولد مرتبط بامه لحين الدخول للمدرسة
ولربما لاربع سنوات من الدراسة فكيف ستكون لغته

وهناك الكثير والكثير

لكن حلات الثوب رقعته منه وفيه

واذا تغير لون الرقعة تصبح من الدراويش :D

تقبلي خالص التقدير

هلا وغلا بالغالية صمت المشاعر
مداخلة جميلة جدا كالعادة
شفتي القصة ؟؟
وبعدين يقولون ليه وليه غلاء المهور:o


تدرين قبل ابدا بكلامي عن الكلام المعسول
تذكرت قصة طريفة سمعتها من الدكتور طارق الحبيب
ولا احد يقرأ غير صمت

رجل سعودي تزوج وقضى شهر العسل في فندق ولسوء الحظ كان هناك كسر في احدى الدرجات المؤدية للغرفة ماعلينا في آخر يوم من شهر العسل وهم طالعين بعد مازهبو اغراضهم شاء الله وماعرفت العروس تمسك توازنها عند الدرج وطاحت اول كلمة سمعتها (بسم الله عليك يابعد عمري . فيني ولا فيك ) <<<<<قمة الرومانسية لحد هنا تمام وتمر الشهور ويكملون سنه والاخوان يبون يجددون ايامهم ويروحون لنفس الفندق وياخذون نفس الغرفة ويقضون فيها ليلة وحدة في الصبح وهم طالعين صار نفس الموقف اللي قبل سنه وتطيح المسكينه من الدرجة نفسها واول كلمة سمعتها وش تتوقعين ؟؟ خمني ها عرفتي ؟؟ قال لها ( عمى بعينك ماتشوفين اللي قدامك )|1| سبحان مغير الاحوال

وش رايك ياصمت
انا اقول اننا كشعب خليجي نشأنا في بيئة محافظة بالطبع
يعني مااتوقع ان في بنت شافت امها تقول كلام غرام لابوها
ماهي متعوده
اي تعلمت واصبحت منفتحه على المجتمع بس خجل المرأة سيقف حاجز بينها وبين الكلام المعسول خاصة في بداية الامر
فاذا عودها الرجل ان تنطلق في الكلام الجميل لن تتوقف
وان جعلها تحبه ملكها الى اخر عمرها
وسيسمع من كلام قد لايتصور في يوم ان يسمع به وسيكون من القلب

اما والمعذرة في ذلك المرأة التي تقول احبك من اول ماتراها فهي لاتحب
كلمة وقيلت لم تقال من القلب فلن تصل الى القلب .انها لاتحبه ولكن تحب شئ آخر

وعلى فكرة ياصمت ترى اللي يبحثون ويقولون نبي اجنبية عشان الكلام معسول ترى ماوراهم سالفة عذرا
اذكر في شريط لجاسم المطوع ذكر هالقصة

يقول جاسم سألت احد الشباب لما تزوجت من اجنبية فرد يااخي ابي اسمع كلام حلو كلام مدلع يعني بدل ماتقول ياابو فلان تبي على الغداء مشبوس دياي بتجي تقول يا فلون عاوز على الغداء فرخة؟؟ او راح تقول بدك فروج ابن عمي ؟ لاحظ الفرق بينهم دياية <<<<<<<<فرخة

تحياتي
وبانتظار عودة :o
لولوة

الله يسلمك اختي Wa0o0oMa
بس اتمنى لو تشاركينا رايك
تحياتي
لولوة

هلا اخوي سنا برق
واخيرا نور المنتدى العام باطلالتك
مداخلة مميزة وقصة جميلة اخوي
وبالفعل انا مؤمنه ان السعوديين فيهم الخير الكثير
ولك في الزواج الذي حدث في قرية المندق عندما زوج الاب ابنته بريال واحد
وقام اهالي القرية بتاثيث المنزل لهما خير دليل
ولكن حتى لانخرج عن صلب الموضوع سنظل نركز على سؤالنا الاساسي
لما الزواج من غير السعودية؟؟
شاكرة لك مرورك الكريم
تحياتي
لولوة