هاذي جروحي كان عندك دواها

مساجله لي مع الشاعر خلف الجابري

ثنتين راحت وانكتب قول مسموح=على طريق الشعر دربي مشاها
اناظر بحرفٍ كتب داخل اللوح=ويدي عن الطبشور ارض وسماها
ما كنت احسب بيوم تبنى لي صروح=وارقى على روس الجبال وحصاها
سلام ردة طيب والبال مشروح=لمساجله تروي ظمى من بغاها
اسند عليك اعرفك رجال طحطوح=تعطي مشوره ياكثر من نصاها
حب العذارى ياخلف يذهب الروح=وذيك البنيه فرق عمن سواها
في صوتها رقه ولو جاك مبحوح=واذ جاني البرد ارتميت بدفاها
واليوم صار البعد والقلب مجروح=على فراق اللي بكت من خطاها
صديت واحسبها عن افكاري تروح=لكن غلاها مثل ماهو غلاها
الوضع كايد ماهي اضحوك وامزوح=هاذي جروحي كان عندك دواها

خلف الجابري

ثنتين راحت والسعد برقه يلوح=اجيزلك ثنتين وابغى وراها
وماهي غريبه تبني سطوح وجسور=من قوم من مبطي مشيد بناها
عندي شهادة حق من غير مصلوح=اقولها واعيدها واحماها
وصلت للمرجان واللول وتموح=وشربت من عد الروى في دلاها
ويامرحبا ترحيب بالكادي يفوح=باللي بيوته شرفت من قراها
يبوح ماالومه ولاونه يبوح=الحب دمر له رجال وبلاها
وان كان قلبك من هوى الزين مذبوح= روحي قبل عامين معلن عزها
ياما نقلت من الهوى هم وجروح=وياما ترجيت الزمن في لقاها
واليوم تشكيلي من البعد وتنوح=وفرقا الاحبه يلعن الله ثواها
تهيم بالرجال وتنقص الشوح=وتشيب اشناب الرجال ولحاها
لكن انا بقول من قلب منصوح=اصبر لابد الله يحقق مناها
لابد من شمل ٍ من الروح للروح=وتثمر اشجارك وتقطف جناها
وان كان تبغى جاه وفعول وسبوح=عليه وجهي لوصلك منتهاها

.
//
.

صح لسانك ولسان الشاعر خلف الحابري

دمتم ودام الإبداع .

.
//
.

وحيد الشرقيه

عطرني مرورك

ساجله رائعه اخوي


صح لسانك

وسلمت يدينك

ولاتحرمنا جديدك

اخوي راع المشاعر صح لسانك ولسان خلف الجابري مبدعين كعادتكم

الراقيه بمرورك

الاجمل هو تواجدك في متصفحي


اشكر مرورك

عازف الايقاع صح بدنك


واشكر مرورك

مساجله راائعـه راااائعــه

صح لسانكـ ياراع المشاعر مبدع وراائـع بحرفكـ

وبيّض الله وجهكـ ياخـلف وصح لسانكـ مليووون

وان كان تبغى جاه وفعول وسبـوح=عليـه وجهـي لوصلـك منتهاهـا

كفو تقوول وتطـول ياخلف

لاعدمنا هالمشاركـآآت العذبـه

::

يصح لسانك راع المشاعر

مساجله ممتازه وممتعه

سلمت يمينك ولافظ فوك

سجل اعجابي وتقبل تحاياي

المتهور

وجهك ابيض بالنيابه

وصح بدنك

مرورك يشرفني