السلام عليكم ورحمة الله وبركااااته
تحية عطره ومسااء الخير للجميع
مشااااااركه ارجو ان تناال اعجااابكم
الهنوف اللي غلاها ماوصله اي ادمي ***** ووالله ان تبطي عيون الناس ماوصلـت غلاهـا
من غلاها شفتهـا بالعيـن تمشـي فـي دمـي ***** لين وصلت قلبـي وهـي اتغنـج فـي خطاهـا
وامرحت داخل خفوقي بيـن جلـدي ولحمـي ***** والضلوع اللي تحرسها تنحني طـوع لرضاهـا
قامت تعـدد جروحـي ليـن طيّحهـا الغمـي ***** واحضنتها لهفتي مـن توهـا وشوقـي وراهـا
قلت لك : عندك ضلوعي لاوجعك بردي اهشمي **** واشعلي نارك بجوفـي لينـك تحسـي دفاهـا
وان ظميتي اجرحيني وافتحي الجـرح الدمـي ***** واشربيني سلسبيلٍ ... ليـن مايـروى ضماهـا
وان طفشتـي زلزلينـي وحسسينـي بآلـمـي ***** حتى اجيك اونسك واسرق من انفاسـك بلاهـا
اتغلـى حقـهـا مــادام مسكنـهـا سـمـي ***** خلها تعلـم عيونـي لاعطشـت تـروى بماهـا
يوم انا اهديـت روحـي قلـت بالله استسلمـي ***** في يديها كيـف ماتبغـى ولا تعصـي رضاهـا
وان عصيتيهـا تـرى والله مـنـي تحـرمـي ***** ماابيها وان عصـت ( تفاحتـي) تذبـح فداهـا
لملميـنـي ياعـذابـي وانثريـنـي ولملـمـي ***** جرح, وحزن ,وقلب , ودمعه . رتبيها في مداها
وخبريهـا ياعيـونـي جـهـر والا تمتـمـي ***** ان مافيه احد يملا عينـي فـي الدنيـا سواهـا
واسهريهـا وشوقيهـا ولاغفيتيـهـا احلـمـي ***** حتى تبقى صورته داخل عيونـي فـي غفاهـا
ولو هلاكي بدربهـا يـاوالله ان تمشـي قدمـي ***** لين اعبـر الـدرب والقاهـا واعانقهـا بلقاهـا
ياغناتـي زاد ظلمـك وانـا ماقلـت ارحمـي ***** قلت باصبر لاجلها وان هي خطت بادمح خطاها
مثل ( خوخه ) من عذابي قبـل ماتصـل فمـي ***** يد جبروت انهبتها ... مارحم جوعـي وكلاهـا
مدري هي غلطة زمانـي ان عايـش بوهمـي ***** والا هي غلطة يديني والا هـي غلطـة يداهـا
من كثر مانخي قصيدي ذابـت اطـراف قلمـي ***** ومن كثر مارجي سنيني مت في حروى رجاها
عارف ان حظي تعيس ولو ضحكـت بمبسمـي ***** لازم ان يدمي عيوني ليـن يتشفـى اب بكاهـا
يامناتي لو تضيـع احلامـي ويمـوت اعشمـي ***** قبل ماتطيحي بعينـي ياعسـى عينـي عماهـا
لانـك انتـي لـو بعدتـي باطلـب الله العمـي ***** وش لي بنعمة عيونـي دام عينـي ماتراهـا؟؟؟
وانتي والله ياجروحـي لاتلومينـي .. اعلمـي ***** انها اغلى من عيوني وغصب عني ادمح خطاها
أنت غير مسجل في منتديات الوئام . للتسجيل الرجاء إضغط هنـا
غــــلاهـــــا 
